ആർ.ടി.പി.സി.ആർ ക്യാമ്പ് പടം tly rtpcr camp തലശ്ശേരി പുതിയ ബസ്സ്റ്റാൻഡിൽ സംഘടിപ്പിച്ച ആർ.ടി.പി.സി.ആർ ക്യാമ്പിൽ പങ്കെടുക്കാനെത്തിയവർതലശ്ശേരി: കോവിഡ് പ്രതിരോധ പ്രവർത്തനങ്ങൾ ഊർജിതപ്പെടുത്തുന്നതിൻെറ ഭാഗമായി ആരോഗ്യവകുപ്പുമായി സഹകരിച്ച് തലശ്ശേരി നഗരസഭയിൽ ആർ.ടി.പി.സി.ആർ ക്യാമ്പ് സംഘടിപ്പിച്ചു. പുതിയ ബസ്സ്റ്റാൻഡിൽ സംഘടിപ്പിച്ച ക്യാമ്പിൽ വ്യാപാരസ്ഥാപനങ്ങളിലെ ജീവനക്കാരും ഡ്രൈവർമാരും ഉൾപ്പെടെ ഇരുനൂറിലധികം പേർ പങ്കെടുത്തു. തുടർന്നുള്ള ദിവസങ്ങളിലും നഗരസഭയുടെ വിവിധ ഭാഗങ്ങളിൽ ഇത്തരം ക്യാമ്പുകൾ സംഘടിപ്പിക്കുമെന്ന് നഗരസഭ അധികൃതർ വ്യക്തമാക്കി.വ്യാപാരികൾ, ജീവനക്കാർ, ഡ്രൈവർമാർ, പച്ചക്കറി-മത്സ്യ മാർക്കറ്റ് ജീവനക്കാർ തുടങ്ങി പൊതുജനങ്ങളുമായി കൂടുതൽ ഇടപഴകുന്ന ആളുകൾ ക്യാമ്പുകൾ ഉപയോഗപ്പെടുത്തണമെന്ന് നഗരസഭ അധികൃതർ അറിയിച്ചു. നഗരസഭ സെക്രട്ടറി പ്രദീപ്, ഹെൽത്ത് സൂപ്പർവൈസർ പ്രമോദ് എന്നിവരുടെ നേതൃത്വത്തിൽ ആരോഗ്യവിഭാഗം ജീവനക്കാർ, ശുചീകരണ തൊഴിലാളികൾ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.