മലയിടംതുരുത്ത് പര്യത്ത് കോളനി കുടിയൊഴിപ്പിക്കാനുള്ള നീക്കം തടയുന്നു
കിഴക്കമ്പലം: മലയിടംതുരുത്ത് പര്യത്ത് കോളനി കുടിയൊഴിപ്പിക്കുന്നതുമായി ബന്ധപ്പെട്ട് എത്തിയ അഡ്വക്കറ്റ് കമീഷന് മുന്നിൽ ശക്തമായ പ്രതിഷേധവുമായി കോളനി നിവാസികൾ. ഇതോടെ കോളനി ഒഴിപ്പിക്കാനുള്ള നീക്കം വീണ്ടും തടസ്സപ്പെട്ടു. പെരിയാർവാലി കനാലിനോട് ചേർന്ന ഭൂമി ആയതിനാൽ ഭൂമി അളക്കുന്നതിനുമുമ്പ് പെരിയാർവാലിക്ക് നോട്ടീസ് നൽകണമെന്നാണ് സമരക്കാരുടെ ആവശ്യം. പെരിയാർവാലിയെ അറിയിക്കാതെ ഭൂമി അളക്കാനുള്ള നീക്കം ഭൂമി കൈയേറ്റത്തിനുള്ള നീക്കത്തിന്റെ ഭാഗമാണെന്ന് സംശയിക്കണമെന്നും സമരക്കാർ പറയുന്നു.
കുടിയൊഴിപ്പിക്കൽ നീക്കം തടയണമെന്ന് ആവശ്യപ്പെട്ട് കോളനി നിവാസികൾ സുപ്രീംകോടതിയെ സമീപിച്ചിട്ടുണ്ട്. രണ്ടാഴ്ചക്കുള്ളിൽ രേഖകൾ ഹാജരാക്കാൻ സുപ്രീംകോടതി സാവകാശം നൽകിയിട്ടുെണ്ടന്നും എന്നാൽ, അത് മുൻസിഫ് കോടതി പരിഗണിച്ചിെല്ലന്നും സമരക്കാർ പറയുന്നു. ഇത് എട്ടാം തവണയാണ് കോളനി ഒഴിപ്പിക്കാൻ കമീഷൻ എത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.