കാലടി: ശ്രീ ശങ്കരാചാര്യ സംസ്കൃത സര്വകലാശാലയിലെ ഭരണവിഭാഗം ജീവനക്കാര്ക്കുവേണ്ടി സര്വകലാശാലയുടെ ഇന്റേണല് ക്വാളിറ്റി അഷ്വറന്സ് സെല് (ഐ.ക്യു.എ.സി.) സംഘടിപ്പിച്ച പഞ്ചദിന പരിശീലന ശിൽപശാല 'പ്രഗതി' സമാപിച്ചു. സമാപനസമ്മേളനത്തില് ജോയന്റ് രജിസ്ട്രാര് സുഖേഷ് കെ. ദിവാകര് അധ്യക്ഷത വഹിച്ചു. രജിസ്ട്രാര് ഡോ. എം.ബി. ഗോപാലകൃഷ്ണന് മുഖ്യപ്രഭാഷണം നടത്തി. അസി. രജിസ്ട്രാര്മാരായ ഷീന എം.ആര്, റേച്ചല് പി.ഡി, സെക്ഷന് ഓഫിസര് എച്ച്. മുഹമ്മദ് ഹാരിസ് എന്നിവര് സംസാരിച്ചു. 24ന് തുടങ്ങിയ പരിശീലന ശിൽപശാലയില് ആശ ഉണ്ണിത്താന്, സാമൂഹിക പ്രവര്ത്തകവിഭാഗം മേധാവി ഡോ. ജോസ് ആന്റണി, സെക്ഷന് ഓഫിസര്മാരായ ടി.എസ്. പ്രസാദ്, പി.ബി. സാംകുമാര്, കമ്പ്യൂട്ടര് പ്രോഗ്രാമര് എം.എസ്. നിഷ എന്നിവര് വിവിധ വിഷയങ്ങളില് ക്ലാസുകള് നയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.