ആലപ്പുഴ: ജില്ലയിൽ 1750 പേർക്ക് കോവിഡ് സ്ഥിരീകരിച്ചു. 1747 പേർക്ക് സമ്പർക്കത്തിലൂടെയാണ് രോഗം ബാധിച്ചത്.
മൂന്നുപേരുടെ സമ്പർക്ക ഉറവിടം വ്യക്തമല്ല. 583 പേരുടെ പരിശോധനഫലം നെഗറ്റിവായി. ആകെ 85,378 പേർ രോഗമുക്തരായി. 10,058 പേർ ചികിത്സയിലുണ്ട്. ശനിയാഴ്ച കോവിഡ് ടെസ്റ്റ് പോസിറ്റിവിറ്റി നിരക്ക് 20.12 ആണ്.
ജില്ലയിൽ 54,000 ഡോസ് വാക്സിൻ എത്തിയതായി ആരോഗ്യവിഭാഗം അധികൃതർ അറിയിച്ചു. ഇതില് 45,000 ഡോസ് കൊവിഷീല്ഡും 9000 ഡോസ് കോവാക്സിനുമാണ്. സര്ക്കാര്-സ്വകാര്യ ആശുപത്രികളിലായി 112 വാക്സിന് വിതരണ കേന്ദ്രങ്ങളാണുള്ളത്. തുടക്കത്തിൽ 16,000 പേര്ക്കുവരെ പ്രതിദിനം നൽകിയിരുന്ന വാക്സിെൻറ എണ്ണം 1400 വരെയായി കുറഞ്ഞിരുന്നു.
കോവിഡ് നിയന്ത്രണം ശക്തമായതിനാൽ ശനിയാഴ്ച ചെറിയ കേന്ദ്രങ്ങളിൽ വാക്സിൻ വിതരണം നടന്നില്ല. ഞായറാഴ്ചയും സമാനസ്ഥിതിതുടരും. തിങ്കളാഴ്ച മുതൽ ഓൺലൈൻ രജിസ്ട്രേഷൻ നടത്തിയവർക്ക് വാക്സിൻ നൽകാനാകും.
കൂടുതൽ വാക്സിൻ എത്തുന്നതനുസരിച്ച് മെഗാ വാക്സിനേഷന് ക്യാമ്പുകളുടെ കാര്യം ആലോചിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.