പാലം വന്നു; പെരുമ്പളം ദ്വീപിലേക്ക് ബസ് എത്താൻ ഇനി റോഡുകൂടി വേണം

പൂ​ച്ചാ​ക്ക​ൽ: പെ​രു​മ്പ​ളം പാ​ലം ഉ​ദ്ഘാ​ട​നം ചെ​യ്തെ​ങ്കി​ലും വ​ലി​യ വാ​ഹ​ന​ങ്ങ​ൾ ദ്വീ​പി​ൽ എ​ത്ത​ണ​മെ​ങ്കി​ൽ റോ​ഡ് പ​ണി​യ​ണം. സ്ഥ​ലം ഏ​റ്റെ​ടു​ത്ത് റോ​ഡ് പ​ണി​യാ​ൻ സ​ർ​ക്കാ​ർ സ​ഹാ​യം തേ​ടു​ക​യാ​ണ് പ​ഞ്ചാ​യ​ത്ത്. വേ​മ്പ​നാ​ട് കാ​യ​ലി​ൽ സ്ഥി​തി​ചെ​യ്യു​ന്ന പെ​രു​മ്പ​ളം ദ്വീ​പി​ൽ വ​ലി​യ പ്ര​തീ​ക്ഷ​യോ​ടെ​യാ​ണ് 2026 മാ​ർ​ച്ച് ഏ​ഴി​ന്​ പാ​ലം തു​റ​ന്ന​ത്.

പ​തി​റ്റാ​ണ്ടു​ക​ളാ​യി ബോ​ട്ടു​ക​ളെ​യും ജ​ങ്കാ​റു​ക​ളെ​യും മാ​ത്രം ആ​ശ്ര​യി​ച്ചി​രു​ന്ന ദ്വീ​പ് നി​വാ​സി​ക​ൾ​ക്ക് നേ​രി​ട്ടു​ള്ള റോ​ഡ് ഗ​താ​ഗ​തം സാ​ധ്യ​മാ​യ​ത് പാ​ല​ത്തി​ന്റെ വ​ര​വോ​ടെ​യാ​ണ്. എ​ന്നാ​ൽ പാ​ല​മി​റ​ങ്ങി ബ​സ് നി​ൽ​ക്കും. ദ്വീ​പി​ലേ​ക്ക് ക​ട​ക്ക​ണ​മെ​ങ്കി​ൽ വീ​തി​യു​ള്ള റോ​ഡ് പ​ണി​യ​ണം. വി​വാ​ഹ​ച്ച​ട​ങ്ങു​ക​ൾ​ക്ക് വി​ദൂ​ര സ്ഥ​ല​ങ്ങ​ളി​ൽ​നി​ന്ന് ബ​സു​ക​ളി​ൽ പാ​ലം ക​ട​ന്നെ​ത്തി​യാ​ലും വി​വാ​ഹ​വീ​ട്ടി​ലേ​ക്ക് ന​ട​ന്നു​ത​ന്നെ പോ​കേ​ണ്ടി​വ​രും. പാ​ലം വ​രും​മു​മ്പ് ബോ​ട്ടു​ക​ളി​ൽ വി​വാ​ഹ​ത്തി​നെ​ത്തു​ന്ന​വ​ർ​ക്ക് വീ​ടു​ക​ളി​ലെ​ത്താ​ൻ കാ​ര്യ​മാ​യി ബു​ദ്ധി​മു​ട്ടു​ണ്ടാ​യി​രു​ന്നി​ല്ല. ദ്വീ​പി​ന് ചു​റ്റും ബോ​ട്ട് ജെ​ട്ടി​ക​ളു​ള്ള​താ​ണ് കാ​ര​ണം. പാ​ലം ക​ട​ന്നു​വ​രു​ന്ന വാ​ഹ​ന​ങ്ങ​ളി​ൽ എ​ത്തു​ന്ന​വ​ർ​ക്ക് റോ​ഡ് ത​ന്നെ​യാ​ണ് ആ​ശ്ര​യം. പെ​രു​മ്പ​ളം ദ്വീ​പി​ൽ നി​ല​വി​ൽ 37ഓ​ളം ആ​ഭ്യ​ന്ത​ര റോ​ഡു​ക​ളു​ണ്ട്. ഇ​വ​യി​ൽ ഭൂ​രി​ഭാ​ഗ​വും വീ​തി​കു​റ​ഞ്ഞ ഗ്രാ​മീ​ണ റോ​ഡു​ക​ളാ​ണ്.

പു​തി​യ പാ​ലം വ​ന്ന​തോ​ടെ വ​ലി​യ വാ​ഹ​ന​ങ്ങ​ളു​ടെ വ​ര​വ് വ​ർ​ധി​ച്ച​തി​നാ​ൽ, ഈ ​റോ​ഡു​ക​ൾ വീ​തി​കൂ​ട്ടാ​നും പൊ​തു​മ​രാ​മ​ത്ത് വ​കു​പ്പി​ന്റെ സ​ഹാ​യ​ത്തോ​ടെ ന​വീ​ക​രി​ക്കാ​നു​മു​ള്ള പ​ദ്ധ​തി​ക​ൾ പ​ഞ്ചാ​യ​ത്ത് ത​യാ​റാ​ക്കി സ​ർ​ക്കാ​രി​ന് സ​മ​ർ​പ്പി​ച്ചി​ട്ടു​ണ്ട്. സ​ർ​ക്കാ​റി​ന്‍റെ ക​നി​വി​ലാ​ണ് ദ്വീ​പ​കാ​രു​ടെ യാ​ത്രാ​പ്ര​തീ​ക്ഷ​ക​ൾ.