അരൂക്കുറ്റിയിൽ തീരദേശ പരിധി വിനയാകുന്നു; ഇളവ് തേടി പഞ്ചായത്ത്

വ​ടു​ത​ല: അ​രൂ​ക്കു​റ്റി​യി​ൽ തീ​ര​ദേ​ശ വാ​സി​ക​ളു​ടെ വീ​ട് നി​ർ​മാ​ണ​ത്തി​നും പ്രാ​ദേ​ശി​ക വി​ക​സ​ന​ത്തി​നാ​യി പ​ഞ്ചാ​യ​ത്ത്‌ രൂ​പ​ക​ൽ​പ​ന ചെ​യ്ത ടൂ​റി​സം പ​ദ്ധ​തി​ക്കും ത​ട​സ്സ​മാ​യി തീ​ര​ദേ​ശ പ​രി​പാ​ല​ന നി​യ​മം. കേ​ര​ള തീ​ര​ദേ​ശ​പ​രി​പാ​ല​ന സ​മി​തി ത​യാ​റാ​ക്കി​യ ഭൂ​പ​ട​ത്തി​ൽ സ്വ​കാ​ര്യ വ്യ​ക്തി​ക​ളു​ടെ ഭൂ​മി​യി​ലു​ള്ള ക​ണ്ട​ലു​ക​ൾ വ​രെ ഉ​ൾ​പ്പെ​ടു​ത്തി ബ​ഫ​ർ​സോ​ൺ നി​ർ​വ​ചി​ച്ചി​രി​ക്ക​യാ​ണ്.

പ​ഞ്ചാ​യ​ത്തി​ലെ 13 വാ​ർ​ഡു​ക​ളി​ൽ ഒ​മ്പ​തും തീ​ര​ദേ​ശ വാ​ർ​ഡു​ക​ളാ​ണ്. 11 ച​തു​ര​ശ്ര കി​ലോ​മീ​റ്റ​ർ വി​സ്​​തൃ​തി ഉ​ണ്ടെ​ങ്കി​ലും ഏ​ഴ് ച​തു​ര​ശ്ര കി​ലോ​മീ​റ്റ​ർ മാ​ത്ര​മാ​ണ് ജ​ന​വാ​സ​യോ​ഗ്യ​മാ​യ​ത്. ബാ​ക്കി പ്ര​ദേ​ശ​ങ്ങ​ൾ പൊ​ക്കാ​ളി നി​ല​ങ്ങ​ളും വെ​ള്ള​ക്കെ​ട്ടു​ക​ളു​മാ​ണ്. മ​ണി​യ​ൻ​പ​ള്ളി തോ​ട് ഉ​ൾ​െ​പ്പ​ടെ​യു​ള്ള​വ ഈ ​ദൂ​ര​പ​രി​ധി​യി​ൽ പെ​ടു​ത്തി​യി​രി​ക്ക​യാ​ണ്.

തീ​ര​ദേ​ശ​ത്ത്​ താ​മ​സി​ക്കു​ന്ന മ​ത്സ്യ​ത്തൊ​ഴി​ലാ​ളി​ക​ൾ, മ​റ്റു​ള്ള​വ​ർ, ലൈ​ഫ് ഭ​വ​ന പ​ദ്ധ​തി​യി​ലു​ള്ള​വ​ർ, മ​റ്റു തൊ​ഴി​ൽ സം​രം​ഭ​ക​ർ -ഇ​വ​ർ​ക്കൊ​ക്കെ വീ​ടു​വെ​ക്കു​ന്ന​തി​നു​ള്ള അ​നു​മ​തി, തൊ​ഴി​ൽ ശാ​ല​ക​ൾ​ക്കു​ള്ള അ​നു​മ​തി, അ​തി​നു​ള്ള പ​ഞ്ചാ​യ​ത്ത്‌ ന​മ്പ​റു​ക​ൾ, നി​ല​വി​ലെ താ​ൽ​ക്കാ​ലി​ക ന​മ്പ​റു​ക​ൾ ക്ര​മീ​ക​രി​ച്ച് സ്ഥി​ര ന​മ്പ​റു​ക​ൾ ഇ​തൊ​ക്കെ നി​ല​വി​ലു​ള്ള നി​യ​മ​പ്ര​കാ​രം ത​ട​സ്സ​മാ​വു​ക​യാ​ണ്. അ​രൂ​ക്കു​റ്റി പ​ഞ്ചാ​യ​ത്തി​ലെ ജ​ന​സാ​ന്ദ്ര​ത ക​ണ​ക്കി​ലെ​ടു​ത്തും, അ​രൂ​ക്കു​റ്റി​യി​ലെ അ​ര​ക്ഷി​ത​രാ​യ തീ​ര​ദേ​ശ​വാ​സി​ക​ൾ​ക്ക് സ​ഹാ​യ​ക​ര​മാ​യ രീ​തി​യി​ലും, പ​ഞ്ചാ​യ​ത്തി​ന്‍റെ വി​ക​സ​ന പ്ര​വ​ർ​ത്ത​ന​ങ്ങ​ൾ കാ​ര്യ​ക്ഷ​മ മാ​ക്കാ​നും, ദൂ​ര നി​ർ​ണ​യ​ത്തി​ലും ഭൂ​പ​ട​ത്തി​ലു​മു​ള്ള അ​പാ​ക​ത​ക​ൾ പ​രി​ഹ​രി​ക്ക​പ്പെ​ട​ണ​മെ​ന്നാ​ണ്​ ആ​വ​ശ്യം.

പാ​ണാ​വ​ള്ളി, തൈ​ക്കാ​ട്ടു​ശ്ശേ​രി, പ​ള്ളി​പ്പു​റം പ​ഞ്ചാ​യ​ത്തു​ക​ൾ കൂ​ടി ചേ​രു​മ്പോ​ൾ തെ​ക്ക് ചെ​ങ്ങ​ണ്ട കാ​യ​ലും, പ​ടി​ഞ്ഞാ​റ​ൻ ഭാ​ഗ​ങ്ങ​ൾ വ​യ​ലാ​ർ, തൈ​ക്കാ​ട്ടു​ശ്ശേ​രി, കൈ​ത​പ്പു​ഴ കാ​യ​ലു​ക​ളും, കി​ഴ​ക്ക് വേ​മ്പ​നാ​ട്ടു കാ​യ​ലും, വ​ട​ക്കു​ഭാ​ഗം കൈ​ത​പ്പു​ഴ ക്കാ​യ​ലി​ന്‍റെ​യും, വേ​മ്പ​നാ​ട്ടു കാ​യ​ലി​ന്‍റെ​യും സം​ഗ​മ​സ്ഥാ​ന​വും ആ​യ​തി​നാ​ലും അ​രൂ​ക്കു​റ്റി പ​ഞ്ചാ​യ​ത്ത്‌ ഉ​ൾ​െ​പ്പ​ടെ മ​റ്റു മൂ​ന്ന് പ​ഞ്ചാ​യ​ത്തു​ക​ളും ദ്വീ​പ്​ ത​ന്നെ​യാ​ണ്. ഈ ​കാ​ര​ണ​ങ്ങ​ൾ പ​രി​ഗ​ണി​ച്ച് ഈ ​പ​ഞ്ചാ​യ​ത്തു​ക​ളെ​യും ദ്വീ​പ് പ​ഞ്ചാ​യ​ത്തു​ക​ളാ​യി പ്ര​ഖ്യാ​പി​ക്കാ​ൻ ന​ട​പ​ടി ഉ​ണ്ടാ​വ​ണ​മെ​ന്ന് തീ​ര​ദേ​ശ പ​രി​പാ​ല​ന സ​മി​തി​ക്ക് നി​വേ​ദ​ന​ത്തി​ലൂ​ടെ​യും അ​ല്ലാ​തെ​യും അ​റി​യി​ച്ച​താ​യി പ​ഞ്ചാ​യ​ത്ത്‌ പ്ര​സി​ഡ​ന്‍റ്​ അ​ഷ​റ​ഫ് വെ​ള്ളേ​ഴ​ത്ത് പ​റ​ഞ്ഞു.