ആറാട്ടുപുഴ: സ്കൂളിലെ പച്ചക്കറിത്തോട്ടത്തിൽ നൂറുമേനി വിജയം നേടിയ സന്തോഷം കൃഷിമന്ത്രി വിളവെടുപ്പിന് എത്തിയപ്പോൾ ഇരട്ടിയായി. പല്ലന കെ.എ.എം.യു.പി സ്കൂൾ വളപ്പിൽ കൃഷി വകുപ്പിന്റെ സഹായത്തോടെ പച്ചക്കറിത്തോട്ടമൊരുക്കി സ്കൂൾ അധികൃതർ വർഷങ്ങളായി നടത്തുന്ന പരിശ്രമത്തിന് അംഗീകാരം കൂടിയായി മന്ത്രിയുടെ സാന്നിധ്യം. സ്കൂളിൽ എത്തിയ മന്ത്രി പി. പ്രസാദ് കുട്ടികളോടും അധ്യാപകരോടുമൊപ്പം തോട്ടം സന്ദർശിക്കുകയും കൃഷിവിവരങ്ങൾ ചോദിച്ചറിയുകയും ചെയ്തു. വിളഞ്ഞുനിൽക്കുന്ന പാവലും പടവലവും പയറും വഴുതനവും പച്ചമുളകും ചീരയും നോക്കിക്കണ്ട മന്ത്രി പിന്നിൽ പ്രവർത്തിച്ചവർക്ക് അഭിനന്ദനം ചൊരിഞ്ഞു. സ്കൂൾ പരിസരത്തെ പാഴായിക്കിടക്കുന്ന സ്ഥലം ഉപയോഗപ്പെടുത്തിയാണ് വർഷങ്ങളായി കൃഷി ചെയ്യുന്നത്. സ്കൂൾ ഹെഡ്മിസ്ട്രസ് ദീപയും ഓഫിസ് അസിസ്റ്റന്റ് സന്ദീപുമാണ് കുട്ടികൾക്ക് പിന്തുണനൽകി ഒപ്പമുള്ളത്. തൃക്കുന്നപ്പുഴ കൃഷിഭവൻ വഴി നടപ്പാക്കുന്ന പച്ചക്കറി വികസന പദ്ധതിയുടെ ഭാഗമായാണ് വിദ്യാലയ പച്ചക്കറിത്തോട്ടം ഒരുക്കിയത്. തൃക്കുന്നപ്പുഴ കൃഷി ഓഫിസർ എസ്. ദേവികയും കൃഷി അസിസ്റ്റന്റ് രാജേഷും നൂറുമേനി വിജയത്തിന് പിന്നിലുണ്ടെന്ന് സ്കൂൾ അധികൃതർ പറഞ്ഞു. ഇവിടെ വിളയുന്ന പച്ചക്കറികൾ സ്കൂളിൽ ഉച്ചഭക്ഷണത്തിനായാണ് ഉപയോഗിക്കുന്നത്. അഗ്രികൾചർ ഡെവലപ്മെന്റ് ആൻഡ് ഫാർമേഴ്സ് വെൽഫെയർ വകുപ്പിന്റെ 2019-20ലെ വെജിറ്റബിൾ ഡെവലപ്മൻെറ് പരിപാടിയിൽ ആലപ്പുഴ ജില്ലയിലെ മികച്ച സ്കൂളിനുള്ള അവാർഡ് സ്കൂൾ കരസ്ഥമാക്കിയിരുന്നു. തൃക്കുന്നപ്പുഴ പഞ്ചായത്ത് നടപ്പാക്കുന്ന കേരഗ്രാമം പദ്ധതിയുടെ ഉദ്ഘാടനച്ചടങ്ങിൽ മികച്ച കാർഷിക സൗഹൃദ വിദ്യാലയം അവാർഡും കൃഷിമന്ത്രിയിൽനിന്ന് സ്കൂൾ ഏറ്റുവാങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.