മാരാരിക്കുളം: പൊള്ളേത്തൈ സെന്റ് ജോസഫ്സ് പബ്ലിക് . കസേരകളും മേൽക്കൂരയിലെ ഷീറ്റുകൾ, ബൾബുകൾ, ഫാൻ, വയറിങ് എന്നിവയടക്കം കത്തിനശിച്ചു. ശനിയാഴ്ച ഉച്ചക്ക് 1.50നാണ് സംഭവം. അവധി ദിനമായതിനാൽ വിദ്യാർഥികളും അധ്യാപകരും ഉണ്ടായിരുന്നില്ല. ഓഫിസ്, ലാബ്, സ്റ്റാഫ് റൂം, ഓഡിറ്റോറിയം എന്നിവ പ്രവർത്തിക്കുന്ന കെട്ടിടത്തിന്റെ മൂന്നാം നിലയിൽ ഓഡിറ്റോറിയത്തിന്റെ ഭാഗത്താണ് അഗ്നിബാധയുണ്ടായത്. ഇവിടെ ഭിത്തിയോട് ചേർന്ന് അടുക്കിവെച്ചിരുന്ന പ്ലാസ്റ്റിക് കസേരകളും മേൽക്കൂരയിലെ ഷീറ്റും പൈപ്പ് കണക്ഷനുമെല്ലാം നശിച്ചു. ഇതിന് സമീപത്തെ വൈദ്യുതി ബോർഡിലുണ്ടായ ഷോർട്ട് സർക്യൂട്ടാണ് കാരണമെന്നാണ് നിഗമനം. കെട്ടിടത്തിൽനിന്ന് തീ ഉയരുന്നത് കണ്ട് സമീപവാസികളാണ് സ്കൂൾ അധികൃതരെ അറിയിച്ചത്. തുടർന്ന് ആലപ്പുഴയിൽനിന്ന് രണ്ട് യൂനിറ്റ് അഗ്നിരക്ഷാസേന എത്തിയാണ് തീയണച്ചത്. മണ്ണഞ്ചേരി പൊലീസും സ്ഥലത്തെത്തി. അഞ്ച് ലക്ഷത്തോളം രൂപയുടെ നഷ്ടമുണ്ടായതായി സ്കൂൾ അധികൃതർ പറഞ്ഞു. അഗ്നിരക്ഷാസേന സ്റ്റേഷൻ ഓഫിസർ വേണുക്കുട്ടൻ, അസി. സ്റ്റേഷൻ ഓഫിസർ വാലന്റയിൻ, ഗിരീഷ്, അനികുമാർ, ജയസിംഹൻ, കബീർ, സജേഷ്, സന്തോഷ് ഷാജൻ, രതീഷ്, രാജേഷ്, ബിനോയ്, ബിനു കൃഷ്ണ, ഹാഷിം, ഉദയകുമാർ, വിനീഷ് എന്നിവർ രക്ഷാപ്രവർത്തനത്തിന് നേതൃത്വം നൽകി. apl mny fire school പൊള്ളേത്തൈ സെന്റ് ജോസഫ്സ് പബ്ലിക് സ്കൂൾ ഓഡിറ്റോറിയത്തിലെ തീപിടിത്തം അഗ്നിരക്ഷാസേന അണക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.