കൊച്ചുചിറ പമ്പ്ഹൗസ് കാടുകയറി നശിക്കുന്നു

ചാരുംമൂട്: ചുനക്കര ഏഴാംവാർഡിലെ ജലസേചന വകുപ്പിന്‍റെ കൊച്ചുചിറ പമ്പ് ഹൗസ് കാടുകയറി നശിക്കുന്നു. പഞ്ചായത്തിലെ മുഴുവൻ പ്രദേശങ്ങളിലും ഒരുകാലത്ത് ശുദ്ധജലം വിതരണം നടത്തിയിരുന്നതാണ്​ ഈ പമ്പ് ഹൗസ്​. ഇതിനുള്ളിൽ ലക്ഷങ്ങൾ വിലമതിക്കുന്ന മോട്ടറുകളും അനുബന്ധ യന്ത്രസാമഗ്രികളും തുരുമ്പെടുത്തുനശിക്കുകയാണ്​. പമ്പ് ഹൗസും ചുറ്റുവട്ടവും കാടുകയറിയതിനാൽ ഇവിടെ സാമൂഹികവിരുദ്ധർ ഇടത്താവളമാക്കിയിരിക്കുകയാണ്. പ്രധാന വാതിൽ തകർക്കപ്പെട്ട നിലയിലാണ്​. നൂറനാട് പാറ്റൂർ കുടിവെള്ള പദ്ധതി വന്നതോടുകൂടി പമ്പിന്‍റെ പ്രവർത്തനം ഉപേക്ഷിച്ച നിലയിലാണ്. മോട്ടോറുകളും അനുബന്ധ സാമഗ്രികളും സംരക്ഷിക്കണമെന്നും കെട്ടിടം ഉപയോഗപ്രദമാക്കാനുള്ള നടപടി ഗ്രാമപഞ്ചായത്തും ജലഅതോറിറ്റിയും സംയുക്തമായി ചെയ്യണമെന്നാണ് ആവശ്യം. പടം : കൊച്ചുചിറ പമ്പ് ഹൗസ് കാടുകയറിയ നിലയിൽ