കായംകുളം: ഓട്ടോറിക്ഷയിൽ കടത്താൻ ശ്രമിച്ച 25 കുപ്പി ഇന്ത്യൻ നിർമിത വിദേശമദ്യവുമായി യുവാവ് പിടിയിൽ. കരുനാഗപ്പള്ളി ആലപ്പാട് ചെറിയഴീക്കൽ തയ്യിൽ ഉണ്ണിമോനാണ് (33) എക്സൈസിന്റെ പിടിയിലായത്. കൃഷ്ണപുരം കൊട്ടാരത്തിന് വടക്കുഭാഗത്ത് റേഞ്ച് സംഘവും ഇന്റലിജൻസ് വിഭാഗവും വാഹനപരിശോധന നടത്തുന്നതിനിടെയാണ് ബിവറേജ് വിൽപന കേന്ദ്രത്തിൽനിന്ന് കൂടുതൽ അളവിൽ മദ്യവുമായി ഓട്ടോറിക്ഷയിൽ എത്തിയത്. ഓട്ടോറിക്ഷയും കസ്റ്റഡിയിലെടുത്തു. ബിവറേജിൽനിന്ന് പലപ്രാവിശ്യമായി മദ്യംവാങ്ങി കടത്തുന്നതായ രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. പ്രിവന്റിവ് ഓഫിസർമാരായ ജെ. കൊച്ചുകോശി, എം. അബ്ദുൽ ഷുക്കൂർ, സിവിൽ എക്സൈസ് ഓഫിസർമാരായ എസ്.എസ്. സിനുലാൽ, ആർ.എസ്. അഖിൽ, എസ്. സജീവ്, വി.കെ. രാജേഷ്കുമാർ, ശ്രീജ,ഷൈനി നാരായണൻ എന്നിവർ പങ്കെടുത്തു. ചിത്രം: APLKY5EXISE വിദേശമദ്യവുമായി പിടിയിലായ ഉണ്ണിമോൻ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.