ഭാര്യക്ക് വിഡിയോ കാൾ ചെയ്ത് ആത്മഹത്യശ്രമം; രക്ഷപ്പെടുത്തി പൊലീസ്

കാ​ഞ്ഞ​ങ്ങാ​ട്: ഇ​സ്രാ​യേ​ലി​ലു​ള്ള ഭാ​ര്യ​ക്ക് വി​ഡി​യോ കാ​ൾ ചെ​യ്ത് ആ​ത്മ​ഹ​ത്യ ചെ​യ്യു​ക​യാ​ണെ​ന്ന് അ​റി​യി​ച്ച​ശേ​ഷം മൂ​ന്നു മ​ക്ക​ൾ​ക്കൊ​പ്പം ബേ​ക്ക​ൽ കോ​ട്ട​യി​ലെ​ത്തി ക​ട​ലി​ൽ ചാ​ടി ആ​ത്മ​ഹ​ത്യ ചെ​യ്യാ​നെ​ത്തി​യ ആ​രോ​ഗ്യ​വി​ഭാ​ഗം ഉ​ദ്യോ​ഗ​സ്ഥ​നെ​യും കു​ട്ടി​ക​ളെ​യും ജീ​വി​ത​ത്തി​ലേ​ക്ക് കൈ​പി​ടി​ച്ച് ബേ​ക്ക​ൽ ടൂ​റി​സം പൊ​ലീ​സ്.

ചൊ​വ്വാ​ഴ്ച ഉ​ച്ച​ക്കാ​ണ് സം​ഭ​വം. ത​ളി​പ്പ​റ​മ്പ് കു​ടി​യാ​ൻ​മ​ല സ്വ​ദേ​ശി​യാ​യ ആ​രോ​ഗ്യ വി​ഭാ​ഗം ജീ​വ​ന​ക്കാ​ര​നാ​ണ് 11, ഒ​മ്പ​ത് വ​യ​സ്സു​ള്ള ആ​ൺ​കു​ട്ടി​ക​ളെ​യും ആ​റു വ​യ​സ്സു​ള്ള പെ​ൺ​കു​ട്ടി​യെ​യും കൂ​ട്ടി ബേ​ക്ക​ൽ കോ​ട്ട​യി​ലെ​ത്തി​യ​ത്. ആ​ത്മ​ഹ​ത്യ​ഭീ​ഷ​ണി ല​ഭി​ച്ച ഉ​ട​ൻ​ത​ന്നെ ഇ​സ്രാ​യേ​ലി​ൽ​നി​ന്ന് ഭാ​ര്യ കു​ടി​യാ​ൻ​മ​ല പൊ​ലീ​സി​നെ വി​ളി​ച്ച​റി​യി​ച്ചു.

മൊ​ബൈ​ൽ ലൊ​ക്കേ​ഷ​ൻ എ​ടു​ത്ത കു​ടി​യാ​ൻ​മ​ല പൊ​ലീ​സ് ഇ​വ​ർ ബേ​ക്ക​ൽ കോ​ട്ട ഭാ​ഗ​ത്തു​ള്ള​താ​യി ക​ണ്ടെ​ത്തി. ഉ​ട​ൻ ബേ​ക്ക​ൽ പൊ​ലീ​സി​ൽ അ​റി​യി​ച്ചു. ഇ​ൻ​സ്പെ​ക്ട​ർ എം.​വി. ശ്രീ​ദാ​സി​ന്റെ നി​ർ​ദേ​ശ​പ്ര​കാ​രം ടൂ​റി​സം പൊ​ലീ​സ് എ.​എ​സ്.​ഐ എം.​എം. സു​നി​ൽ​കു​മാ​ർ ബേ​ക്ക​ൽ കോ​ട്ട​യി​ലെ​ത്തി വ്യാ​പ​ക തി​ര​ച്ചി​ൽ ന​ട​ത്തി.

ബേ​ക്ക​ൽ സ്റ്റേ​ഷ​നി​ലെ പൊ​ലീ​സു​കാ​രാ​യ വി​ജേ​ഷ്, റ​ജി​ൻ എ​ന്നി​വ​രും തി​ര​ച്ചി​ലി​നു​ണ്ടാ​യി​രു​ന്നു. പൊ​ലീ​സ് തി​ര​ച്ചി​ലി​നൊ​ടു​വി​ൽ ഇ​വ​ർ സ​ഞ്ച​രി​ച്ച കാ​ർ ബേ​ക്ക​ൽ കോ​ട്ട പ​രി​സ​ര​ത്ത് ക​ണ്ടെ​ത്തി. കൂ​ടു​ത​ൽ പ​രി​ശോ​ധി​ച്ച​പ്പോ​ൾ യു​വ ഉ​ദ്യോ​ഗ​സ്ഥ​നെ​യും മൂ​ന്ന് മ​ക്ക​ളെ​യും റെ​ഡ് മൂ​ൺ ബീ​ച്ചി​ൽ ക​ണ്ടെ​ത്തു​ക​യാ​യി​രു​ന്നു. ഇ​ദ്ദേ​ഹ​ത്തെ അ​നു​ന​യി​പ്പി​ച്ച​ശേ​ഷം ബേ​ക്ക​ൽ സ്റ്റേ​ഷ​നി​ലെ​ത്തി​ച്ചു. കു​ടി​യാ​ൻ​മ​ല പൊ​ലീ​സെ​ത്തി ബേ​ക്ക​ലി​ൽ​നി​ന്ന് ഇ​വ​രെ കൂ​ട്ടി​ക്കൊ​ണ്ടു​പോ​യി.