ഇ​ഴ​ഞ്ഞുനീ​ങ്ങി ഓ​വു​ചാ​ൽ നി​ർ​മാ​ണം; മൊഗ്രാലിൽ ഗ​താ​ഗ​ത​ത​ട​സ്സം

മൊ​ഗ്രാ​ൽ: ദേ​ശീ​യ​പാ​ത വി​ക​സ​ന​വു​മാ​യി ബ​ന്ധ​പ്പെ​ട്ട് മൊ​ഗ്രാ​ൽ ടൗ​ണി​ൽ ന​ട​ക്കു​ന്ന ഓ​വു​ചാ​ൽ നി​ർ​മാ​ണ​ത്തി​ലെ മെ​ല്ലെ​പ്പോ​ക്ക് കാ​ര​ണം തി​ര​ക്കേ​റി​യ സ​ർ​വി​സ് റോ​ഡി​ൽ ഗ​താ​ഗ​ത​ത​ട​സ്സം പ​തി​വാ​യി. പ​രീ​ക്ഷ​ക്കാ​ല​ത്ത് വി​ദ്യാ​ർ​ഥി​ക​ള​ട​ക്ക​മു​ള്ള യാ​ത്ര​ക്കാ​ർ​ക്കും കാ​ൽ​ന​ട​ക്കാ​ർ​ക്കും ഇ​ത് ദു​രി​ത​മാ​കു​ന്ന​താ​യി പ​രാ​തി. ടൗ​ണി​ലെ അ​വ​ശേ​ഷി​ച്ച കേ​വ​ലം 200 മീ​റ്റ​റോ​ളം വ​രു​ന്ന ഓ​വു​ചാ​ൽ നി​ർ​മാ​ണ​ത്തി​ന്റെ ജോ​ലി​യാ​ണ് ര​ണ്ടാ​ഴ്ച​യോ​ള​മാ​യി ന​ട​ന്നു​വ​രു​ന്ന​ത്. ഒ​ന്നി​ട​വി​ട്ട ദി​വ​സ​ങ്ങ​ളി​ലാ​ണ് ജോ​ലി​യും. ജോ​ലി​ക​ൾ മൊ​ഗ്രാ​ൽ അ​ടി​പ്പാ​ത​ക്ക് സ​മീ​പ​മാ​യ​തി​നാ​ൽ​ത​ന്നെ ഗ​താ​ഗ​ത​ത​ട​സ്സം രൂ​ക്ഷ​മാ​ണ്. ഇ​വി​ടെ നി​ർ​മാ​ണ​ത്തി​ന്റെ ഭാ​ഗ​മാ​യി സ​ർ​വി​സ് റോ​ഡി​ൽ ഒ​രു വാ​ഹ​ന​ത്തി​ന് മാ​ത്രം പോ​കാ​വു​ന്ന ത​ര​ത്തി​ൽ ബാ​രി​ക്കേ​ഡു​ക​ളും സ്ഥാ​പി​ച്ചി​ട്ടു​ണ്ട്. ഇ​വി​ടെ യാ​ത്ര​ക്കാ​രെ ക​യ​റ്റാ​ൻ സ​മീ​പ​ത്ത് ബ​സു​ക​ളും മ​റ്റും നി​ർ​ത്തി​യി​ടു​ന്ന​തും ഗ​താ​ഗ​ത​ത​ട​സ്സ​ത്തി​ന് കാ​ര​ണ​മാ​കു​ന്നു.

സ്കൂ​ൾ​റോ​ഡി​ലേ​ക്ക് അ​ടി​പ്പാ​ത വ​ഴി പോ​കാ​നും വ​രാ​നു​മു​ള്ള സ​ർ​വി​സ് റോ​ഡി​ന് സ​മീ​പ​മാ​ണ് ഓ​വു​ചാ​ല്‍ നി​ർ​മാ​ണം. ഇ​ത് വി​ദ്യാ​ർ​ഥി​ക​ൾ അ​ട​ക്ക​മു​ള്ള കാ​ൽ​ന​ട​ക്കാ​ർ​ക്കും പ്ര​യാ​സ​മു​ണ്ടാ​ക്കു​ന്നു​ണ്ട്. സ്കൂ​ൾ റോ​ഡി​ലൂ​ടെ ദി​വ​സ​വും നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് പോ​കു​ന്ന​ത്. ഇ​തു​വ​ഴി ‘ഗ്രാ​മ​വ​ണ്ടി​യും’ സ​ർ​വി​സ് ന​ട​ത്തു​ന്നു​ണ്ട്. കൂ​ടാ​തെ കി​ൻ​ഫ്ര, അ​ന​ന്ത​പു​രം, കെ​ൽ തു​ട​ങ്ങി​യ വ്യ​വ​സാ​യ, വാ​ണി​ജ്യ കേ​ന്ദ്ര​ങ്ങ​ളി​ലേ​ക്കു​ള്ള വാ​ഹ​ന​വും സ്കൂ​ൾ റോ​ഡ് വ​ഴി പോ​കു​ന്നു​ണ്ട്. ടൗ​ൺ പ​രി​സ​ര​മാ​യ​തി​നാ​ൽ തു​ട​ങ്ങി​വെ​ച്ച നി​ർ​മാ​ണ​ജോ​ലി​ക​ൾ വേ​ഗ​ത്തി​ലാ​ക്കാ​ൻ ന​ട​പ​ടി വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.