അ​വ​ബോ​ധം പ്രൈ​മ​റി​യി​ൽ തു​ട​ങ്ങാം; വി​ജ​യ​പാ​ഠ​വു​മാ​യി പൊ​ലീ​സ്

കാ​സ​ർ​കോ​ട്: മ​യ​ക്കു​മ​രു​ന്നു​ൾ​പ്പെ​ടെ​യു​ള്ള തി​ന്മ​ക​ൾ​ക്കെ​തി​രെ ഹൈ​സ്കൂ​ളി​ൽ​നി​ന്ന് ആ​രം​ഭി​ക്കു​ന്ന സ്കൂ​ൾ​ത​ല ബോ​ധ​വ​ത്ക​ര​ണ പ​രി​പാ​ടി പ്രൈ​മ​റി ക്ലാ​സി​ൽ വി​ജ​യി​പ്പി​ച്ച് സം​സ്ഥാ​ന​ത​ല​ത്തി​ലേ​ക്ക് വ്യാ​പി​പ്പി​ക്കാ​നു​ള്ള പ​ദ്ധ​തി ഡി.​ജി.​പി​ക്ക് സ​മ​ർ​പി​ച്ച് കാ​സ​ർ​കോ​ട് സോ​ഷ്യ​ൽ പൊ​ലി​സി​ങ് വി​ഭാ​ഗം.

ഹൈ​സ്കൂ​ളി​ലേ​ക്ക് ക​ട​ക്കു​ന്ന​തി​ന് മു​മ്പു​ത​ന്നെ കു​ട്ടി​ക​ൾ മ​യ​ക്കു​മ​രു​ന്നി​നും പീ​ഡ​ന​ത്തി​നും ഇ​ര​യാ​കു​ന്നു​വെ​ന്ന് ക​ണ്ടെ​ത്തി​യ​തി​നെ തു​ട​ർ​ന്നാ​ണ് ബോ​ധ​വ​ത്ക​ര​ണം അ​ഞ്ചാം​ക്ലാ​സു മു​ത​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ ന​ട​ത്തി​യ​ത്. കാ​സ​ർ​കോ​ട് ഗ​വ. യു.​പി സ്കൂ​ളി​ലെ ‘ഇ​ത​ൾ’ (ഐ.​ടി.​എ.​എ​ൽ-​ഇ​ഗ്നൈ​റ്റി​ങ് ടാ​ല​ന്റ് ആ​ൻ​ഡ് ലേ​ണി​ങ്) 5, 6 ക്ലാ​സു​ക​ളി​ലെ കു​ട്ടി​ക​ളെ​യാ​ണ് തെ​ര​ഞ്ഞെ​ടു​ത്ത​ത്. മാ​ന​വി​ക മൂ​ല്യ​ങ്ങ​ൾ അ​ള​ക്കു​ന്ന 20 ചോ​ദ്യ​ങ്ങ​ളു​മാ​യി കു​ട്ടി​ക​ൾ​ക്ക് പ​രീ​ക്ഷ ന​ട​ത്തി.

ഉ​ത്ത​ര​മെ​ഴു​ത്താ​ൻ സാ​ധി​ക്കാ​ത്ത കു​ട്ടി​ക​ളെ തി​ര​ഞ്ഞെ​ടു​ത്തു. പ്ര​ശ്ന​ങ്ങ​ളെ​ നേ​രി​ടാ​ള്ള ക​ഴി​വി​ല്ലാ​യ്മ, നാ​ണം, അ​ന്ത​ർ​മു​ഖ​ത തു​ട​ങ്ങി​യ പ്ര​ശ്ന​ങ്ങ​ളാ​ണ് കു​ട്ടി​ക​ളി​ൽ ക​ണ്ട​ത്. എ​ല്ലാ വെ​ള്ളി​യാ​ഴ്ച​യും നാ​ലു​മു​ത​ൽ അ​ഞ്ചു​വ​രെ ക്ലാ​സു​ക​ൾ ന​ൽ​കി. പാ​ട്ടും ക​ളി​യും ചി​ത്രം വ​ര​യും ഒ​ക്കെ​യു​ണ്ടാ​കും. ര​ക്ഷി​താ​ക്ക​ൾ​ക്കും ബോ​ധ​വ​ത്ക​ര​ണം ന​ൽ​കി. ആ​റു​മാ​സ​ശേ​ഷം അ​തേ​ചോ​ദ്യ​ങ്ങ​ൾ കു​ട്ടി​ക​ൾ​ക്ക് മു​ന്നി​ൽ വെ​ച്ചു. അ​ത്ഭു​ത​പ്പെ​ടു​ത്തു​ന്ന മാ​റ്റ​ങ്ങ​ളാ​ണ് കു​ട്ടി​ക​ളി​ൽ ഉ​ണ്ടാ​യ​തെ​ന്ന് സോ​ഷ്യ​ൽ പൊ​ലി​സി​ങ് വി​ഭാ​ഗം ഡി.​ജി.​പി​ക്ക് ന​ൽ​കി​യ പ്ര​ജ​ക്ടി​ൽ പ​റ​ഞ്ഞു.

മാ​താ​പി​താ​ക്ക​ൾ, അ​ധ്യ​ാപ​ക​ർ, സു​ഹൃ​ത്തു​ക്ക​ൾ എ​ന്നി​വ​രു​മാ​യി വ​ള​ർ​ന്ന വൈ​കാ​രി​ക​ബ​ന്ധം ഉ​ത്ത​ര​ങ്ങ​ളി​ൽ തെ​ളി​ഞ്ഞു. പ​രീ​ക്ഷ​ക​ളോ​ടും വെ​ല്ലു​വി​ളി​ക​ളോ​ടും ഭ​യ​മി​ല്ലാ​താ​യി. ഉ​ത്ത​ര​വാ​ദി​ത്ത​ബോ​ധം പ്ര​ക​ട​മാ​യി. മ​യ​ക്കു​മ​രു​ന്നു​പോ​ലു​ള്ള വി​പ​ത്തു​ക​ളെ എ​തി​ർ​ക്കാ​നു​ള്ള മാ​ന​സി​കാ​വ​സ്ഥ ഉ​യ​ർ​ന്നു, ആ​ത്മ​വി​ശ്വാ​സം വ​ള​ർ​ന്നു. പ​ദ്ധ​തി സം​സ്ഥാ​ന​ത​ല​ത്തി​ൽ പ്രൈ​മ​റി ക്ലാ​സു​ക​ളി​ൽ ന​ട​പ്പാ​ക്കി​യാ​ൽ സാ​മൂ​ഹി​ക തി​ൻ​മ​ക​ളെ പ്രൈ​മ​റി ക്ലാ​സു​ക​ളി​ൽ നി​ന്നു​ത​ന്നെ ചെ​റു​ക്കാ​ൻ കു​ട്ടി​ക​ൾ​ക്ക് ക​രു​ത്ത് ന​ൽ​കു​മെ​ന്ന പ്ര​തീ​ക്ഷ​യാ​ണു​ള്ള​ത്.

കു​ട്ടി​ക​ളെ ഇ​ര​ക​ളാ​ക്കു​ന്ന​തി​നെ​തി​രെ​യു​ള്ള എ​ല്ലാ​ത​രം ബോ​വ​ത്ക​ര​ണ​വും നി​ല​വി​ൽ ഹൈ​സ്കൂ​ൾ ക്ലാ​സു​ക​ളി​ലാ​ണ് ന​ൽ​കു​ക. എ​ന്നാ​ൽ, അ​ത് പ്രൈ​മ​റി ക്ലാ​സു​ക​ളി​ൽ തു​ട​ങ്ങി​യാ​ൽ കു​ട്ടി​ക​ളെ പൂ​ർ​ണ​മാ​യും ര​ക്ഷ​പ്പെ​ടു​ത്താ​മെ​ന്ന് അ​ണി​യ​റ പ്ര​വ​ർ​ത്ത​ക​ർ പ​റ​യു​ന്നു.

2024 ഡി​സം​ബ​റി​ൽ മ​ജി​ഷ്യ​ൻ ഗോ​പി​നാ​ഥ് മു​തു​കാ​ടാ​ണ് ഉ​ദ്ഘാ​ട​നം ചെ​യ്ത​ത്. ര​ണ്ടു​ല​ക്ഷം രൂ​പ പ​ദ്ധ​തി ചെ​ല​വാ​ണ് ന​ഗ​ര​സ​ഭ​യോ​ട് ആ​വ​ശ്യ​പ്പെ​ട്ടി​രു​ന്നു. ഈ ​തു​ക മൂ​ന്നു​ല​ക്ഷ​മാ​യി ന​ഗ​ര​സ​ഭ ചെ​യ​ർ​മാ​ൻ അ​ബ്ബാ​സ് ബീ​ഗം വ​ർ​ധി​പ്പി​ച്ചു. എ​ൻ.​എ. നെ​ല്ലി​ക്കു​ന്ന് എം.​എ​ൽ.​എ പ​ദ്ധ​തി​യെ കു​റി​ച്ചും അ​ന്വേ​ഷി​ച്ചു. ഇ​ത്ത​രം പ​ദ്ധ​തി​ക​ൾ കു​ട്ടി​ക​ളെ പു​തി​യ വ​ഴി​യി​ലേ​ക്ക് ന​യി​ക്കും. അ​ത് പ​ക​ർ​ത്താ​ൻ മ​റ്റു വി​ദ്യാ​ല​യ​ങ്ങ​ളും ത​യാ​റാ​ക്ക​ണം.