തിരുവനന്തപുരം: കേരളത്തിലെ സ്വർണക്കടത്ത് കേസിൽ എൻഫോഴ്സ്മെൻറ് ഡയറക്ടറേറ്റും കേസ് രജിസ്റ്റർ ചെയ്തു. കള്ളപ്പണനിരോധന നിയമപ്രകാരമാണ് കേസ്. സ്വർണക്കടത്തുമായി ബന്ധപ്പെട്ട കള്ളപ്പണ, ഹവാല ഇടപാടുകൾ ഇ.ഡി അന്വേഷിക്കും.
സ്വർണക്കടത്ത് കേസിൽ എൻ.െഎ.എയും കസ്റ്റംസുമാണ് നിലവിൽ അന്വേഷണം നടത്തുന്നത്. ഇ.ഡി കൂടി എത്തുന്നതോടെ കേസിൽ ഉൾപ്പെട്ടവരുടെ സ്വത്ത് കണ്ടുകെട്ടുന്നത് ഉൾപ്പടെയുള്ള നടപടികളുണ്ടായേക്കും. സ്വർണക്കടത്തിൽ കടലാസ് കമ്പനികളിൽ എതെങ്കിലും ഏർപ്പെട്ടിട്ടുണ്ടെങ്കിൽ അവർക്കെതിരെയും നടപടിയുണ്ടാകും.
തിരുവനന്തപുരം വിമാനത്താവളത്തിൽ ഡിപ്ലോമാറ്റിക് ബാഗേജിലൂടെ 30 കിലോഗ്രാം സ്വർണം കടത്തിയ കേസാണ് എൻ.െഎ.എയും കസ്റ്റംസും അന്വേഷിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.