വൈൽഡ്​ വാച്ചിന്​ ‘പൂട്ടിട്ട്​’ വനംവകുപ്പ്​

പ​ത്ത​നം​തി​ട്ട: വ​ന്യ​ജീ​വി​ക​ൾ ജ​ന​വാ​സ കേ​ന്ദ്ര​ങ്ങ​ളി​ലെ​ത്തി​യാ​ൽ വി​വ​രം ​കൈ​മാ​റാ​നാ​യി ‘സ​ര്‍പ്പ’ മാ​തൃ​ക​യി​ൽ വ​നം​വ​കു​പ്പ്​ ആ​വി​ഷ്ക​രി​ച്ച ‘വൈ​ൽ​ഡ്​ വാ​ച്ച്​’ മൊ​ബൈ​ൽ ആ​പ്പി​ന്​ ‘പൂ​ട്ട്​’. ജ​ന​വാ​സ മേ​ഖ​ല​ക​ളി​ലോ റോ​ഡി​ലോ വ​ന്യ​മൃ​ഗ​ങ്ങ​ളെ ക​ണ്ടാ​ൽ പൊ​തു​ജ​ന​ങ്ങ​ൾ​ക്ക്​ വി​വ​രം ന​ൽ​കാ​ൻ ക​ഴി​യു​ന്ന​താ​യി​രു​ന്നു ആ​പ്. മൃ​ഗ സാ​ന്നി​ധ്യം റി​പ്പോ​ര്‍ട്ട് ചെ​യ്ത സ്ഥ​ല​ത്തേ​ക്ക്​ വ​നം​വ​കു​പ്പി​ന്‍റെ സം​ഘ​മെ​ത്തു​ന്ന​തി​നൊ​പ്പം ആ​പ് ഡൗ​ണ്‍ലോ​ഡ് ചെ​യ്ത എ​ല്ലാ​വ​ര്‍ക്കും ഇ​തി​ന്‍റെ മു​ന്ന​റി​യി​പ്പും ല​ഭി​ക്കു​മാ​യി​രു​ന്നു.

സം​സ്ഥാ​ന​ത്തെ അ​ഞ്ച്​ സ്ഥ​ല​ങ്ങ​ൾ കേ​ന്ദ്രീ​ക​രി​ച്ച്​ ട്ര​യ​ൽ റ​ണ്ണും ന​ട​ത്തി. എ​ന്നാ​ൽ, ട്ര​യ​ൽ റ​ണ്ണി​ൽ ല​ഭി​ച്ച​തി​ൽ ഭൂ​രി​ഭാ​ഗ​വും തെ​റ്റാ​യ വി​വ​ര​മാ​യി​രു​ന്നു​വെ​ന്നാ​ണ്​ വ​നം​വ​കു​പ്പ്​ പ​റ​യു​ന്ന​ത്. കേ​ര​ള​ത്തി​ൽ ഇ​ല്ലാ​ത്ത വ​ന്യ​മൃ​ഗ​ങ്ങ​ൾ വ​​രെ എ​ത്തി​യെ​ന്ന സ​ന്ദേ​ശം ല​ഭി​ച്ചു. കാ​ട്ടു​പോ​ത്തു​ക​ൾ അ​ട​ക്ക​മു​ള്ള​വ​യു​ടെ എ​ണ്ണം പെ​രു​പ്പി​ച്ച്​ കാ​ട്ടു​ക​യും ചെ​യ്തു. വി​വ​രം ല​ഭി​ച്ച​ത​നു​സ​രി​ച്ച്​ എ​ത്തി​യ ഇ​ട​ങ്ങ​ളി​ൽ മൃ​ഗ സാ​ന്നി​ധ്യ​ത്തി​ന്‍റെ ല​ക്ഷ​ണ​ങ്ങ​ളൊ​ന്നും ക​ണ്ടെ​ത്താ​നും ക​ഴി​ഞ്ഞി​ല്ല. നാ​യ്ക്ക​ളു​ടെ അ​ട​ക്കം കാ​ൽ​പാ​ടു​ക​ൾ ക​ണ്ട്​ ക​ടു​വ​യെ​ത്തി​യെ​ന്ന അ​റി​യി​പ്പി​നൊ​പ്പം ചി​ല​യി​ട​ങ്ങ​ളി​ൽ​നി​ന്ന്​ കൂ​ട്ട​മാ​യും പ​രാ​തി​ക​ൾ ല​ഭി​ച്ച​താ​യി വ​നം​വ​കു​പ്പ്​ ഉ​ദ്യോ​ഗ​സ്​​ഥ​ർ പ​റ​യു​ന്നു.

കൂ​ട്ട പ​രാ​തി​ക​ൾ വ​ന്യ​മൃ​ഗ​ങ്ങ​ൾ വ്യാ​പ​ക​മാ​ണെ​ന്ന്​ സ്ഥാ​പി​ക്കാ​ൻ ല​ക്ഷ്യ​മി​ട്ടാ​ണ​ന്ന സൂ​ച​ന​ക​ളും ല​ഭി​ച്ച​തോ​ടെ ആ​പ്​ വി​പു​ല​മാ​ക്കേ​ണ്ട​തി​ല്ലെ​ന്ന്​ വ​നം​വ​കു​പ്പ്​ തീ​രു​മാ​നി​ക്കു​ക​യാ​യി​രു​ന്നു. സ​മാ​ന സം​വി​ധാ​നം ക​ഴി​ഞ്ഞ ര​ണ്ട്​ സീ​സ​ണു​ക​ളി​ൽ ശ​ബ​രി​മ​ല​യി​ൽ ന​ട​പ്പാ​ക്കി​യി​രു​ന്നു. കാ​ന​ന പാ​ത​യി​ലൂ​​ടെ​യ​ട​ക്കം വ​രു​ന്ന അ​യ്യ​പ്പ​ന്മാ​ർ വി​വ​ര​ങ്ങ​ൾ കൃ​ത്യ​മാ​യി റി​പ്പോ​ർ​ട്ട്​ ചെ​യ്ത​തി​നാ​ൽ വ​ൻ വി​ജ​യ​മാ​യി​രു​ന്നു. ഇ​വി​ടേ​ക്ക്​​ വ​നം ഉ​ദ്യോ​ഗ​സ്ഥ​ർ​ക്ക്​ വേ​ഗ​ത്തി​ൽ എ​ത്താ​നും മൃ​ഗ​ങ്ങ​ളെ തു​ര​ത്താ​നും ക​ഴി​ഞ്ഞി​രു​ന്നു. പി​ന്നാ​ലെ എ​ത്തു​ന്ന ഭ​ക്​​ത​ർ​ക്ക്​ ഇ​ത്​ ഏ​റെ അ​നു​ഗ്ര​ഹ​മാ​യി​രു​ന്നു. ഇ​തോ​ടെ​യാ​ണ്​ ആ​പ്പി​ന്‍റെ പ്ര​വ​ർ​ത്ത​നം സം​സ്ഥാ​ന വ്യാ​പ​ക​മാ​ക്കാ​ൻ വ​കു​പ്പ്​ തീ​രു​മാ​നി​ച്ച​ത്.

‘വ്യാ​ജ വി​വ​ര​ങ്ങ​ൾ’ ല​ഭി​ച്ച സാ​ഹ​ച​ര്യ​ത്തി​ൽ ആ​പ്​ ത​ൽ​ക്കാ​ലം പൊ​തു​ജ​ന​ങ്ങ​ൾ​ക്കാ​യി തു​റ​ക്കേ​ണ്ട​തി​ല്ലെ​ന്നാ​ണ്​ തീ​രു​മാ​നം. പ​ക​രം​ ജീ​വ​ന​ക്കാ​ർ​ക്കാ​യി സം​വി​ധാ​നം മാ​റ്റും. ജ​ന​ജാ​ഗ്ര​ത സ​മി​തി​ക​ളി​ൽ നി​ന്ന​ട​ക്കം ല​ഭി​ക്കു​ന്ന വി​വ​രം പ​രി​ശോ​ധി​ച്ച്​ കൃ​ത്യ​മാ​ണെ​ന്ന്​ ഉ​ദ്യോ​ഗ​സ്ഥ​ർ ഉ​റ​പ്പാ​ക്കി​യ​ശേ​ഷം ​ഫോ​ട്ടാ​ക്കൊ​പ്പം ആ​പ്പി​ൽ അ​റി​യി​ക്കു​ന്ന ത​ര​ത്തി​ലേ​ക്ക്​ മാ​റ്റാ​നാ​ണ്​ ധാ​ര​ണ. ഇ​തി​നു​ള്ള ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചി​ട്ടു​മു​ണ്ട്.