തീപിടിച്ച ക​പ്പ​ലിലെ തീരത്തടിഞ്ഞ കണ്ടെയ്നർ കൊല്ലം പോർട്ടിലേക്ക് മാറ്റും; കടൽ വെള്ളം പരിശോധിക്കും

അ​മ്പ​ല​പ്പു​ഴ: ക​ണ്ണൂ​ർ തീ​ര​ത്തുവെച്ച്​ തീപിടിച്ച സിം​ഗ​പ്പൂ​ർ ക​പ്പ​ൽ വാ​ൻ​ഹാ​യി​യിലെ തീരത്തടിഞ്ഞ കണ്ടെയ്നർ കൊല്ലം പോർട്ടിലേക്ക് മാറ്റാൻ തീരുമാനം. കണ്ടെയ്നർ കണ്ടെത്തിയ സ്ഥലത്തെ കടൽവെള്ളം മലനീകരണ നിയന്ത്രണ വകുപ്പ് ശേഖരിക്കും. ആരോഗ്യത്തിന് ഹാനികരമായ വസ്തുക്കൾ വെള്ളത്തിൽ അടങ്ങിയിട്ടുണ്ടോ എന്ന കണ്ടെത്താനാണ് പരിശോധന.

ക​ഴി​ഞ്ഞ ദി​വ​സം ക​ണ്ണൂ​ർ തീ​ര​ത്തുവെച്ച് തീ​പി​ടി​ച്ച സിം​ഗ​പ്പൂ​ർ ക​പ്പ​ൽ വാ​ൻ​ഹാ​യി​യി​ലെ ലൈ​ഫ് ബോ​ട്ടും ഗ്യാ​സ് ടാ​ങ്കും അ​മ്പ​ല​പ്പു​ഴ തീ​ര​ത്ത് ര​ണ്ടി​ട​ങ്ങ​ളി​ലായി അ​ടി​ഞ്ഞിരുന്നു. ഞാ​യ​റാ​ഴ്ച രാ​ത്രി​യോ​ടെ​യാ​ണ് പു​ന്ന​പ്ര അ​റ​പ്പ​പ്പൊ​ഴി ക​ട​ൽ​തീ​ര​ത്ത് ലൈ​ഫ് ബോ​ട്ടും തി​ങ്ക​ളാ​ഴ്ച പു​ല​ര്‍ച്ച പ​ത്ത് കിലോ മീറ്റർ തെ​ക്ക് വ​ള​ഞ്ഞ​വ​ഴി തീ​ര​ത്ത് വെ​ള്ള നി​റ​ത്തി​ലു​ള്ള ഗ്യാ​സ് ടാ​ങ്കും തീ​ര​ത്ത​ടി​ഞ്ഞ​ത്.

പു​ന്ന​പ്ര തീ​ര​ത്ത​ടി​ഞ്ഞ ചു​വ​പ്പ് നി​റ​ത്തി​ലു​ള്ള ബോ​ട്ടി​ന് ഏ​ക​ദേ​ശം അ​ഞ്ച് മീറ്റർ ​നീ​ള​വും മൂ​ന്ന് മീറ്റർ ​വീ​തി​യും വ​രും. ശ​ക്ത​മാ​യ തി​ര​മാ​ല​യി​ലും കാ​റ്റി​ലും തീ​ര​ത്തു​ല​യു​ന്ന ബോ​ട്ട് ശ്ര​ദ്ധ​യി​ല്‍പെ​ട്ട തീ​ര​ദേ​ശ​വാ​സി​ക​ളാണ് പു​ന്ന​പ്ര പൊ​ലീ​സി​നെ വി​വ​ര​മ​റി​യി​ച്ചത്.

പു​ന്ന​പ്ര പൊ​ലീ​സ് വി​വ​ര​മ​റി​യി​ച്ച​തി​നെ​ തു​ട​ര്‍ന്ന് ഡി​സാ​സ്റ്റ​ർ മാ​നേ​ജ്മെ​ന്‍റ്​ ഡെ​പ്യൂ​ട്ടി ക​ല​ക്ട​ർ സി. ​പ്രേം​ജി, കോ​സ്റ്റ​ൽ പൊ​ലീ​സ് എ​ന്നി​വ​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. തി​ങ്ക​ളാ​ഴ്ച രാ​വി​ലെ ജെ.​സി.​ബി ഉ​പ​യോ​ഗി​ച്ച് ക​ര​യി​ൽ ക​യ​റ്റി കാ​റ്റാ​ടി​മ​ര​ത്തി​ല്‍ കെ​ട്ടി സു​ര​ക്ഷി​ത​മാ​ക്കി. ക​പ്പ​ല്‍ ജീ​വ​ന​ക്കാ​രു​ടെ സു​ര​ക്ഷ​ക്കാ​യു​ള്ള ലൈ​ഫ് ബോ​ട്ടാ​ണ് തീ​ര​ത്ത്​ ഒ​ഴു​കി​യെ​ത്തി​യ​ത്. സിം​ഗ​പ്പൂ​ർ ക​സ്റ്റം​സി​ന്​ ലൈ​ഫ് ബോ​ട്ട് കൈ​മാ​റും.

ക​പ്പ​ലി​ലെ 24,600 ലി​റ്റ​ര്‍ ശേ​ഷി​യു​ള്ള പാ​ച​ക​വാ​ത​ക ടാ​ങ്കാ​ണ് വ​ള​ഞ്ഞ​വ​ഴി​യി​ല്‍ അ​ടി​ഞ്ഞ​ത്. തി​ങ്ക​ളാ​ഴ്ച പു​ല​ര്‍ച്ച തീ​ര​ത്ത് തി​ര​മാ​ല​യി​ല്‍ ആ​ടി​യു​ല​യു​ന്ന ടാ​ങ്ക് ശ്ര​ദ്ധ​യി​ല്‍പെ​ട്ട നാ​ട്ടു​കാ​ര്‍ വി​വ​രം അ​മ്പ​ല​പ്പു​ഴ പൊ​ലീ​സി​നെ അ​റി​യി​ച്ചു. തു​ട​ര്‍ന്ന് ഡി​വൈ.​എ​സ്.​പി കെ.​എ​ന്‍. രാ​ജേ​ഷി​ന്‍റെ നേ​തൃ​ത്വ​ത്തി​ല്‍ പൊ​ലീ​സ് എ​ത്തി വേ​ണ്ട സു​ര​ക്ഷ ഒ​രു​ക്കി.

സിം​ഗ​പ്പൂ​രി​ല്‍ നി​ന്നു​ള്ള ക​സ്റ്റം​സ് ഉ​ദ്യോ​ഗ​സ്ഥ​രും സ്ഥ​ല​ത്തെ​ത്തി. ക​സ്റ്റം​സ് വി​ഭാ​ഗം പ​രി​ശോ​ധ​ന ന​ട​ത്തി ടാ​ങ്ക് കാ​ലി​യാ​ണെ​ന്ന് ഉ​റ​പ്പാ​ക്കി​യ​ ശേ​ഷം വൈ​കീ​ട്ടോ​ടെ വ​ടം​കെ​ട്ടി ര​ണ്ട് ജെ.​സി.​ബി ഉ​പ​യോ​ഗി​ച്ച് ടാ​ങ്ക് തീ​ര​ത്ത്​ അ​ടു​പ്പി​ച്ചു.

Cargo Ship Fire, Wan Hai 503, Cargo Ship,വാ​ൻ​ഹാ​യ് 503 ക​പ്പ​ൽ, ചരക്കുകപ്പൽ തീപിടിത്തം