ബംഗളൂരു: കർണാടക സർക്കാറിന്റെ സത്യപ്രതിജ്ഞ ചടങ്ങ് നടക്കുന്നതിനാൽ ശനിയാഴ്ച രാവിലെ 9.30 മുതൽ ഉച്ചക്ക് 2.30 വരെ നഗരത്തിലെ ചില റോഡുകളിൽ ഗതാഗത നിയന്ത്രണം ഏർപ്പെടുത്തി. നിയന്ത്രണങ്ങൾ ഇങ്ങനെ:
• ക്യൂൻസ് സർക്കിൾ മുതൽ സിദ്ധലിംഗ സർക്കിൾ വരെ എല്ലാ വാഹനങ്ങൾക്കും പ്രവേശനം തടയും. ക്യൂൻസ് സർക്കിളിൽനിന്ന് ലാവെല്ലെ റോഡ് വഴിയോ ക്യുൻസ് റോഡ് വഴിയോ പോകാം.
• ബലേകുന്ദ്രി സർക്കിൾ മുതൽ ക്യുൻസ് സർക്കിൾ വരെ പാതയിൽ വഹനങ്ങൾ പട്ട ജങ്ഷനിൽനിന്ന് തിമ്മയ്യ സർക്കിൾ വഴി തിരിച്ചുവിടും.
• സി.ടി.ഒ സർക്കിൾ മുതൽ ക്യുൻസ് സർക്കിൾ വരെ വാഹനങ്ങൾ തടയും. പകരം പകരം കബൺ റോഡ് ഉപയോഗപ്പെടുത്താം.
• ഹലസൂരു ഗേറ്റ് ഭാഗത്തുനിന്ന് സിദ്ധലിംഗയ്യ സർക്കിൾ ഭാഗത്തേക്കുള്ള വാഹനങ്ങൾ ദേവംഗ ജങ്ഷൻ, മിഷൻറോഡ് വഴി തിരിച്ചുവിടും.
• സത്യപ്രതിജ്ഞ ചടങ്ങിന് പങ്കെടുക്കാനെത്തുന്ന ക്ഷണിതാക്കളുടെ വാഹനങ്ങൾ സെന്റ് ജോസഫ്സ് കോളജ് ഗ്രൗണ്ടിൽ നിർത്തിയിടാം.
• മറ്റു വാഹനങ്ങൾ ബി.ബി.എം.പി ഹെഡ് ഓഫിസ് പരിസരം, ബദാമി ഹൗസ്, യുനൈറ്റഡ് മിഷൻകോളജ് കാമ്പസ്, ഐ.ജി റോഡ് ഇടതുവശം എന്നിവിടങ്ങളിൽ നിർത്തിയിടാം.
• ആർ.ആർ.എം.ആർ റോഡ്, കസ്തുർബ റോഡ്, മല്യ ഹോസ്പിറ്റൽ റോഡ് എന്നിവിടങ്ങളിൽ എല്ലാ തരം വാഹനങ്ങളുടെയും പാർക്കിങ് നിരോധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.