വഖഫ്: ഇടക്കാല സ്റ്റേക്ക് ശക്തമായ കാരണം വേണമെന്ന് സുപ്രീംകോടതി

ന്യൂ​ഡ​ൽ​ഹി: വ​ഖ​ഫ് ദേ​ഭ​ഗ​തി നി​യ​മ​ത്തി​ലെ വി​വാ​ദ വ്യ​വ​സ്ഥ​ക​ൾ ന​ട​പ്പാ​ക്കാ​തി​രി​ക്കാ​ൻ ഇ​ട​ക്കാ​ല സ്റ്റേ ​വേ​ണ​മെ​ന്ന ആ​വ​ശ്യ​ത്തി​ൽ സു​പ്രീം​കോ​ട​തി​യി​ൽ വാ​ദം തു​ട​ങ്ങി. ചീ​ഫ് ജ​സ്റ്റി​സ് ബി.​ആ​ർ. ഗ​വാ​യി, ജ​സ്റ്റി​സ് എ.​ജി. മ​സീ​ഹ് എ​ന്നി​വ​രു​ടെ ബെ​ഞ്ചി​ന് മു​മ്പാ​കെ ഹ​ര​ജി​ക്കാ​രു​ടെ അ​ഭി​ഭാ​ഷ​ക​രാ​യ ക​പി​ൽ സി​ബ​ൽ, രാ​ജീ​വ് ധ​വാ​ൻ, ഹു​സൈ​ഫ അ​ഹ്മ​ദി, അ​ഭി​ഷേ​ക് മ​നു സി​ങ് എ​ന്നി​വ​ർ ​ചൊ​വ്വാ​ഴ്ച വാ​ദി​ച്ചു.

പാ​ർ​ല​മെ​ന്റ് പാ​സാ​ക്കി​യ നി​യ​മ​ങ്ങ​ൾ ഭ​ര​ണ​ഘ​ട​നാ​പ​ര​മാ​ണെ​ന്നും ശ​ക്ത​മാ​യ കാ​ര​ണം ഉ​ന്ന​യി​ക്ക​പ്പെ​ടു​ന്ന​തു വ​രെ കോ​ട​തി​ക​ൾ​ക്ക് ഇ​ട​ക്കാ​ല ഉ​ത്ത​ര​വ് പു​റ​​പ്പെ​ടു​വി​പ്പി​ക്കാ​നാ​കി​ല്ലെ​ന്നും ചീ​ഫ് ജ​സ്റ്റി​സ് ബി.​ആ​ർ. ഗ​വാ​യി പ​റ​ഞ്ഞു.

ഉ​പ​യോ​ഗ​ത്തി​ലൂ​ടെ​യു​ള്ള വ​ഖ​ഫ്, വ​ഖ​ഫ് ബോ​ർ​ഡു​ക​ളി​ലേ​ക്കും വ​ഖ​ഫ് കൗ​ൺ​സി​ലു​ക​ളി​ലേ​ക്കും അ​മു​സ്‍ലിം​ക​ളെ ഉ​ൾ​പ്പെ​ടു​ത്ത​ൽ, സ​ർ​ക്കാ​ർ ഭൂ​മി വ​ഖ​ഫ് സ്വ​ത്താ​യി തി​രി​ച്ച​റി​യു​ന്ന​ത് എ​ന്നി​വ​യാ​ണ് നേ​ര​ത്തേ ​ കോ​ട​തി പ​രി​ഗ​ണി​ച്ച ഹ​ര​ജി​ക​ളെ​ന്നും ഈ ​വി​ഷ​യ​ങ്ങ​ളി​ൽ മ​റു​പ​ടി സ​ത്യ​വാ​ങ്മൂ​ലം ന​ൽ​കി​യി​ട്ടു​ണ്ടെ​ന്നും കേ​ന്ദ്ര സ​ർ​ക്കാ​റി​നു​വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ​ മേ​ത്ത അ​റി​യി​ച്ചു. കോ​ട​തി ഈ ​മൂ​ന്നു വി​ഷ​യ​ങ്ങ​ളി​ൽ മാ​ത്രം ഇ​ട​പെ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. എ​ന്നാ​ൽ, മൂ​ന്നു വി​ഷ​യ​ങ്ങ​ളി​ൽ മാ​ത്രം വാ​ദം പ​രി​മി​ത​പ്പെ​ടു​ത്താ​നാ​കി​ല്ലെ​ന്ന് ക​പി​ൽ സി​ബ​ൽ വ്യ​ക്ത​മാ​ക്കി.

മു​സ്‍ലിം സ​മു​ദാ​യ​ത്തി​ന്റെ അ​വ​കാ​ശ​ങ്ങ​ൾ മൊ​ത്തം ഏ​റ്റെ​ടു​ക്കു​ന്ന​തി​ന് വ​ഖ​ഫ് ദേ​ഭ​ഗ​തി നി​യ​മം സൗ​ക​ര്യ​മൊ​രു​ക്കു​ന്നു​വെ​ന്ന് സി​ബ​ൽ ചൂ​ണ്ടി​ക്കാ​ട്ടി. മ​ത കാ​ര്യ​ങ്ങ​ൾ കൈ​കാ​ര്യം ചെ​യ്യാ​നു​ള്ള മൗ​ലി​കാ​വ​കാ​ശ​ത്തി​ന്റെ ലം​ഘ​ന​മാ​ണ​ത്. മ​തേ​ത​ര​ത്വ​ത്തി​ന്റെ അ​ർ​ഥം മ​ത​സ​മൂ​ഹ​ങ്ങ​ളെ അ​വ​രു​ടെ സ്വ​ന്തം കാ​ര്യ​ങ്ങ​ൾ ന​ട​ത്താ​ൻ അ​നു​വ​ദി​ക്കു​ക എ​ന്ന​താ​ണ്. മ​റ്റു മ​ത​വി​ഭാ​ഗ​ങ്ങ​ളി​ലെ അം​ഗ​ങ്ങ​ളെ എ​ന്തി​നാ​ണ് വ​ഖ​ഫ് ഭ​ര​ണ​സ​മി​തി​ക​ളു​ടെ ഭാ​ഗ​മാ​കാ​ൻ അ​നു​വ​ദി​ക്കു​ന്ന​ത് -സി​ബ​ൽ ചോ​ദി​ച്ചു.

ഭേ​ദ​ഗ​തി​യി​ൽ അ​ഞ്ചു വ​ർ​ഷ​മാ​യി ഇ​സ്‍ലാം​മ​തം പി​ന്തു​ട​രു​ന്ന​വ​ർ​ക്ക് മാ​ത്ര​മേ വ​ഖ​ഫ് ന​ൽ​കാ​നാ​കൂ. മ​ര​ണ​ക്കി​ട​ക്ക​യി​ൽ കി​ട​ക്കു​മ്പോ​ൾ വ​ഖ​ഫ് ന​ൽ​കാ​ൻ ആ​ഗ്ര​ഹി​ക്കു​ന്നെ​ങ്കി​ൽ താ​ൻ മു​സ്‍ലി​മാ​ണെ​ന്ന് ആ​ദ്യം തെ​ളി​യി​ക്ക​ണം. മ​ത​സ്വാ​ത​ന്ത്ര്യ​ത്തി​നു​ള്ള അ​വ​കാ​ശം ഉ​റ​പ്പു​ന​ൽ​കു​ന്ന ഭ​ര​ണ​ഘ​ട​ന​യു​ടെ ആ​ർ​ട്ടി​ക്കി​ൾ 25ന്റെ ​നേ​രി​ട്ടു​ള്ള ലം​ഘ​ന​മാ​ണ് ഒ​രു മു​സ്‍ലിം ആ​ണെ​ന്ന് തെ​ളി​യി​ക്കേ​ണ്ട​തി​ന്റെ ആ​വ​ശ്യ​ക​ത​യെ​ന്നും സി​ബ​ൽ വാ​ദി​ച്ചു.

ഒ​രാ​ൾ ഇ​സ്‍ലാം മ​തം പി​ന്തു​ട​രു​ന്ന ആ​ളാ​ണോ എ​ന്ന് സ​ർ​ക്കാ​ർ എ​ങ്ങ​നെ നി​ർ​ണ​യി​ക്കു​മെ​ന്ന് ഹു​സൈ​ഫ് അ​ഹ്മ​ദി ചോ​ദി​ച്ചു. ന​മ്മു​ടേ​ത് മ​തേ​ത​ര രാ​ജ്യ​മാ​ണെ​ന്നും ത​ന്റെ ക​ക്ഷി​ക​ളി​ൽ ഒ​രാ​ൾ സി​ഖ് വി​ഭാ​ഗ​ത്തി​ൽ​പ്പെ​ട്ട​യാ​ളാ​ണെ​ന്നും അ​ദ്ദേ​ഹ​ത്തി​ന് സ്വ​ത്ത് വ​ഖ​ഫ് ചെ​യ്യ​ണ​മെ​ന്നു​ണ്ടെ​ന്നും രാ​ജീ​വ് ധ​വാ​ൻ പ​റ​ഞ്ഞു. ഇ​ത് മ​തേ​ത​ര​ത്വ​ത്തെ ബാ​ധി​ക്കു​ന്ന വി​ഷ​യ​മാ​ണെ​ന്നും വാ​ദി​ച്ചു. ഹ​ര​ജി​യി​ൽ ബു​ധ​നാ​ഴ്ച​യും വാ​ദം തു​ട​രും.