ന്യൂഡൽഹി: പൗരത്വ ഭേദഗതി നിയമത്തിനെതിരെയുള്ള പ്രതിഷേധത്തെ തുടർന്ന് റോഡിൽ കുടുങ്ങിയ ആംബുലൻസിന് വഴിയൊരുക ്കി പ്രതിഷേധക്കാർ. ഷഹീൻബാഗിലെ കാളിന്ദി കുഞ്ച് റോഡിൽ കുടുങ്ങിയ ആംബുലൻസിന് വഴിയൊരുക്കാൻ അവിടെ ഡ്യൂട്ടിയില ുണ്ടായിരുന്ന പൊലീസുകാർ തയാറാവാതെ വന്നതോടെയാണ് പ്രതിഷേധക്കാരിൽ ചിലർ മുൻകൈെയടുത്ത് വഴിയൊരുക്കിയത്.
ബാരിക്കേഡ് വെച്ച് അടച്ച റോഡിലെ ബാരിക്കേഡ് നീക്കി ആംബുലൻസ് കടത്തി വിടുകയായിരുന്നു. ആംബുലൻസ് റോഡിൽ കുടുങ്ങിയിട്ടും പൊലീസുകാർ നോക്കി നിൽക്കുന്നതാണ് ട്വിറ്ററിൽ പ്രചരിച്ച ഒരു വിഡിയോയിലുള്ളത്.
ഷഹീൻബാഗിൽ നടന്ന പ്രതിഷേധത്തിനിടെ വന്ന ഒരു ആംബുലൻസിന് വഴിയൊരുക്കാനായി പ്രതിഷധക്കാരിൽ ചിലർ ആംബുലൻസിന് മുന്നിലൂടെ ഓടുന്നതും ആളുകളെ ഇരു ഭാഗങ്ങളിലേക്ക് മാറ്റി ആംബുലൻസിനെ കടത്തി വിടുന്നതുമായ മറ്റൊരു വിഡിയോയും പുറത്തു വന്നിട്ടുണ്ട്.
Video of another ambulance passing through #Shaheenbagh pic.twitter.com/tf4RAaO63c
— The Muslims Of India (@TheMuslimsofIN) January 18, 2020
വിവിധ ആശുപത്രികളിലേക്ക് പോകാനുള്ള വഴിയിലാണ് തടസ്സമുണ്ടായത്. ഇതേതുടർന്ന് ‘ആംബുലൻസിന് സ്വാഗതം’ എന്ന് എഴുതിയ ബാനർ പ്രതിഷേധക്കാർ റോഡിൽ സ്ഥാപിച്ചു. ഈ റോഡ് അടിയന്തര ആവശ്യങ്ങൾക്ക് പോകുന്ന വാഹനങ്ങൾക്ക് വേണ്ടി തുറന്നിടുകയാണെന്ന് പ്രതിഷേധക്കാർ അറിയിച്ചു. ഡൽഹിയേയും നോയിഡയേയും തമ്മിൽ ബന്ധിപ്പിക്കുന്ന രണ്ടര കിലോമീറ്റർ ദൂരമുള്ള 13എ റോഡ് ഒരു മാസമായി അടച്ചിട്ടതായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.