സംരക്ഷണ കിറ്റുകളില്ല; റെയിൻകോട്ടും ഹെൽമെറ്റും ഉപയോഗിച്ച്​ ഡോക്​ടർമാർ

ന്യൂഡൽഹി: രാജ്യത്ത് കോവിഡ്​ ബാധിതരുടെ എണ്ണം വർധിച്ചതോടെ ആരോഗ്യ സംരക്ഷണകവചങ്ങളുടെ ദൗർലഭ്യത നേരിട്ട്​ ഡേ ാക്​ടർമാർ. ചിലർ റെയിൻ കോട്ടും മോട്ടോർ ബൈക്ക് ഹെൽമറ്റും ഉപയോഗിക്കാൻ നിർബന്ധിതരാകുന്നുവെന്നാണ്​ റിപ്പോർട്ട് ​.
ശരിയായ തരത്തിലുള്ള മാസ്​കുകളുടെയും സംരക്ഷ കവചങ്ങളുടെയും അഭാവം തങ്ങളെയും രോഗികളാക്കാമെന്ന്​ കോവിഡ്​ പ്രതിരോധത്തി​​െൻറ മുൻനിരയിലുള്ള ഡോക്​ടർമാർ പറഞ്ഞതായി റോയി​ട്ടേഴ്​സ്​ റിപ്പോർട്ട്​ ചെയ്യുന്നു.

സംരക്ഷണ കവചമായ പി.പി.ഇ കിറ്റുകൾ കൂടുതലായി ഉത്​പാദിപ്പിക്കുമെന്നും ചൈന, ദക്ഷിണാഫ്രിക്ക തുടങ്ങിയ രാജ്യങ്ങളിൽ നിന്നും ഇറക്കുമതി ചെയ്യുമെന്നും ആരോഗ്യമന്ത്രാലയം കഴിഞ്ഞ ദിവസം അറിയിച്ചിരുന്നു.

കൊൽക്കത്തയിലെ പ്രധാന കോവിഡ്​ വൈറസ് ചികിത്സാ കേന്ദ്രമായ ബെലെഘട്ട ഇൻഫെക്​ഷ്യസ് ഡിസീസ് ഹോസ്പിറ്റലിലെ ജൂനിയർ ഡോക്​ടർമാർക്ക്​ രോഗികളെ പരിശോധിക്കാൻ പ്ലാസ്റ്റിക് റെയിൻ‌കോട്ട് നൽകിയതായി ഡോക്ടർമാർ വെളിപ്പെടുത്തിയെന്നും​ റോയിട്ടേഴ്‌സ് റിപ്പോർട്ടിൽ പറയുന്നുണ്ട്​. റെയിൽ കോട്ട്​ ധരിച്ച ഡോക്​ടർമാരുടെ ചി​ത്രവും പുറത്തുവന്നിട്ടുണ്ട്​.

ജീവൻ പണംവെച്ച്​ പ്രവർത്തിക്കാനവില്ലെന്നാണ്​ ഡോക്​ടർമാർ പറയുന്നത്​. അധികൃതരിൽ നിന്നുള്ള പ്രതികാരനടപടികൾ ഭയക്കുന്നതിനാൽ പ്രതികരിക്കാനില്ലെന്ന്​ ആശുപത്രി മെഡിക്കൽ സൂപ്രണ്ട് ഡോ. അസിസ് മന്ന പറഞ്ഞു.

എൻ 95 മാസ്കുകൾ ലഭിക്കാത്തതിനാൽ രോഗികളെ നോക്കു​േമ്പാൾ താൻ ഹെൽമെറ്റാണ്​ ഉപയോഗിച്ചിരുന്നതെന്ന്​ ഹരിയാനയിലെ ഇ.എസ്.ഐ ഹോസ്പിറ്റലിലെ ഡോക്​ടർ സന്ദീപ് ഗാർഗ് പറഞ്ഞു. സംരക്ഷണം ലഭിക്കുന്നതിന്​ സാധാരണ ശസ്​ത്രക്രിയ മാസ്​കിന്​ മുകളിൽ ഹെൽമെറ്റ്​ ധരിക്കുകയായിരുന്നുവെന്ന്​ ഡോക്ടർ ഗാർഗ് കൂട്ടിച്ചേർത്തു. എന്നാൽ റോയിട്ടേഴ്‌സി​​െൻറ റിപ്പോർട്ടിൽ ആരോഗ്യ മന്ത്രാലയം പ്രതികരിച്ചിട്ടില്ല.

ഹരിയാനയിലെ റോഹ്തക്കിലെ സർക്കാർ ആശുപത്രിയിൽ നിരവധി ജൂനിയർ ഡോക്ടർമാർ ആവശ്യമായ സുരക്ഷാ ഉപകരണങ്ങൾ ഇല്ലെങ്കിൽ രോഗികളെ ചികിത്സിക്കില്ലെന്ന്​ അറിയിച്ചു കഴിഞ്ഞു. മാസ്കുകളും സുരക്ഷാ കവചവും മറ്റും വാങ്ങുന്നതിന് ഓരോ ഡോക്ടർമാരും 1,000 രൂപ സംഭാവന ചെയ്തുകൊണ്ടുള്ള ഒരു കോവിഡ്​19 ഫണ്ടും അവർ സ്വന്തം നിലക്ക്​ തുടങ്ങിക്കഴിഞ്ഞതായി ഒരു ഡോക്ടർ പറഞ്ഞു. സംരക്ഷണമില്ലാതെ പ്രവർത്തിക്കാൻ ആരും ആഗ്രഹിക്കുന്നില്ല. ഡോക്​ടർമാരും കോവിഡിനെ ഭയക്കുന്നുണ്ടെന്ന്​ അവർ പറയുന്നു.