ന്യൂഡൽഹി: രാജ്യത്ത് 24 മണിക്കൂറിനിടെ 12,059 കോവിഡ് കേസുകൾ റിപ്പോർട്ട് ചെയ്തതായി കേന്ദ്ര ആരോഗ്യ കുടുംബക്ഷേമ മന്ത്രാലയം. 78 മരണങ്ങളും റിപ്പോർട്ട് ചെയ്തു.
രജിസ്റ്റർ ചെയ്ത ആരോഗ്യ പ്രവർത്തകരിൽ 54.7 ശതമാനം പേരും വാക്സിൻ സ്വീകരിച്ചതായി ആരോഗ്യ മന്ത്രാലയം അഡീഷനൽ സെക്രട്ടറി മനോഹർ അഗ്നാനി പറഞ്ഞു. ശനിയാഴ്ച വൈകീട്ട് ആറുമണി വരെ 56.36 ലക്ഷം പേർ വാക്സിനേഷന് വിധേയരായി. ഇതിൽ 52.66 ലക്ഷം ആളുകൾ ആരോഗ്യപ്രവർത്തകരാണെന്ന് അദ്ദേഹം പറഞ്ഞു.
ഏറ്റവും കൂടുതൽ ആളുകളെ വാക്സിനേഷന് വിധേയമാക്കിയ മൂന്നാമത്തെ രാജ്യമായി ഇന്ത്യ മാറിയതായി കേന്ദ്ര സർക്കാർ അറിയിച്ചു.
രാജ്യത്ത് ഇതുവരെ 1,08,26,363 കോവിഡ് കേസുകളാണ് റിപ്പോർട്ട് ചെയ്തത്. 1,54,996 പേരാണ് മഹാമാരി മൂലം മരണത്തിന് കീഴടങ്ങിയത്. 11, 805 പേർ രോഗമുക്തി നേടി. ഇതുവരെ രോഗമുക്തരായവരുടെ എണ്ണം 1,05,22,601 ആയി.1,48,766 പേരാണ് നിലവിൽ ചികിത്സയിലുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.