ചെന്നൈ: സ്കൂളുകളിലും കോളജുകളിലും സർട്ടിഫിക്കറ്റിന് അപേക്ഷിക്കുമ്പോൾ പേരിെൻറ ഇനീഷ്യൽ തമിഴിൽ എഴുതുന്നത് നിർബന്ധമാക്കി തമിഴ്നാട് സർക്കാർ ഉത്തരവിറക്കി. പൊതുജനങ്ങൾ സർക്കാർ രേഖകൾക്കായി അപേക്ഷകൾ സമർപ്പിക്കുമ്പോഴും ഈ ഉത്തരവ് ബാധകമായിരിക്കും.
തമിഴ് ഭാഷയെ പ്രോത്സാഹിപ്പിക്കുന്നതിെൻറ ഭാഗമായി സർക്കാർ ഉത്തരവ് എല്ലാ സർക്കാർ ഒാഫിസുകളിലും വിദ്യാലയങ്ങളിലും പ്രദർശിപ്പിക്കണമെന്ന് തമിഴ് വികസന വകുപ്പ് സെക്രട്ടറി മഹേഷ് കാസിരാജൻ പുറത്തിറക്കിയ ഉത്തരവിൽ പറയുന്നു.
മാതാപിതാക്കളുടെ തമിഴിൽ എഴുതിയ പേരിെൻറ ആദ്യ അക്ഷരമായിരിക്കണം അപേക്ഷകെൻറ ഇനീഷ്യൽ. തമിഴ് ഭാഷ പഠിച്ചവർക്ക് മാത്രമെ സംസ്ഥാന സർക്കാർ ജോലിക്കും അപേക്ഷ നൽകാനാവുകയുള്ളു.
സംസ്ഥാന സർക്കാർ ജീവനക്കാരുടെ പേരും ഇനീഷ്യലും ഒപ്പും തമിഴിലായിരിക്കണമെന്ന് നേരത്തെ നിർബന്ധമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.