ന്യൂഡൽഹി: ഇന്ത്യയിൽ കോവിഡ് 19 വൈറസ് ബാധ രണ്ടാം ഘട്ടത്തിലാണെന്ന് ഐ.സി.എം.ആർ(ഇന്ത്യൻ കൗൺസിൽ ഓഫ് മെഡിക്കൽ റി സർച്ച്). കോവിഡിെൻറ മൂന്നാം ഘട്ടത്തിലേക്ക് രാജ്യം എത്തിയിട്ടില്ലെന്നും ഐ.സി.എം.ആർ ഡയറക്ടർ ജനറൽ ഡോ.ബൽറാം ഭാർഗവ പറഞ്ഞു. കോവിഡ് 19 പരിശോധന നടത്താൻ രാജ്യത്ത് 72 പരിശോധന ലാബുകൾ പ്രവർത്തിക്കുന്നുണ്ടെന്നും അദ്ദേഹം വ്യക്തമാക്കി.
കൂടുതൽ ലാബുകളിലേക്ക് പരിശോധന വ്യാപിപ്പിക്കാനാണ് തീരുമാനം. സ്വകാര്യ ലാബുകളേയും ഇതിനായി ഉപയോഗിക്കും. 10 ലക്ഷം പരിശോധന കിറ്റുകൾക്ക് ഓർഡർ നൽകിയിട്ടുണ്ട്. ആരോഗ്യപ്രശ്നങ്ങളുള്ളവർ വീടുകളിൽ തന്നെ കഴിയണമെന്നും ഐ.സി.എം.ആർ ഡയറക്ടർ ആവശ്യപ്പെട്ടു.
അതേസമയം, രാജ്യത്ത് കൊറോണ വൈറസ് ബാധിതരുടെ എണ്ണം 137 ആയി. ഇതുവരെ മൂന്ന് പേർ കോവിഡ് 19 ബാധിച്ച് മരിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.