ഭാര്യയോട്​ പിണങ്ങി മൂന്നുകുഞ്ഞുങ്ങളെ പിതാവ്​ പുഴയിലെറിഞ്ഞു കൊന്നു

ഹൈദരാബാദ്​: ഭാര്യയോടുള്ള​ ദേഷ്യം തീർക്കാൻ മൂന്നു മക്കളെ പിതാവ്​ പുഴയിലെറിഞ്ഞു കൊന്നു. ആന്ധ്ര പ്രദേശിലെ ചിറ്റൂരിൽ ഞായറാഴ്​ചയാണ്​ സംഭവം. ആറു വയസ്​​, മൂന്ന്​ വയസ്​, ആറുമാസം പ്രായമുള്ള ആൺകുട്ടികളുടെ മൃതദേഹങ്ങൾ കുടുംബം താമസിച്ചിരുന്ന ഗ്രാമത്തിനു സമീപത്തെ പുഴയിൽ ഒഴുകി നടക്കുന്ന നിലയിൽ കണ്ടെത്തി. പ്രദേശവാസികൾ വിവരമറിയച്ചതിനെ തുടർന്ന്​ പൊലീസ്​ എത്തി മൃതദേഹങ്ങൾ കരക്കെത്തിച്ചു. കുട്ടികളുടെ മൃതദേഹങ്ങൾ കണ്ടെത്തിയതോടെ പിതാവ്​ ഒളിവിൽ പോയതായി പൊലീസ്​ പറഞ്ഞു. 

പുനീത്​, സഞ്​ജയ്​, രാഹുൽ എന്നീ കുട്ടികളാണ്​ കൊല്ലപ്പെട്ടത്​. വെങ്കിടേഷ്​-അമരാവതി ദമ്പതികളുടെ മക്കളാണ്​. വെങ്കിടേഷി​​​െൻറ രണ്ടാം ഭാര്യയാണ്​ അമരാവതി. ആദ്യഭാര്യയിൽ കുഞ്ഞുങ്ങളുണ്ടാകാത്തതിനെ തുടർന്നാണ്​ വെങ്കി​േടഷ്​ രണ്ടാം വിവാഹം ചെയ്​തത്​. 

കഴിഞ്ഞ ആഴ്​ച ഇരുവരും വഴക്കുണ്ടാവുകയും അമരാവതി കുട്ടികളോടൊപ്പം സ്വന്തം വീട്ടിലേക്ക്​ പോവുകയും ചെയ്​തിരുന്നു. എന്നാൽ കഴിഞ്ഞ രാത്രി ഭാര്യയെയും കുഞ്ഞുങ്ങളെയും വെങ്കിടേഷ്​ തിരികെ കൊണ്ടുവന്നു. വരുന്ന വഴി ദമ്പതികൾ വീണ്ടും വഴക്കിടുകയും ഇയാൾ കുട്ടികളെ പുഴയിലെറിയുകയുമായിരുന്നു. 

സ്വന്തം കുഞ്ഞുങ്ങളെ ഭർത്താവ്​ ഇത്ര ക്രൂരമായി കൊല്ലുമെന്ന്​ താൻ ഒരിക്കലും കരുതിയില്ലെന്ന്​ അമരാവതി പൊലീസിനോട്​ പറഞ്ഞു.