ലഖ്നോ: മഹാരാഷ്ട്രയിൽ നിന്നും ഉത്തർപ്രദേശിൽ തിരിച്ചെത്തിയ ഏഴ് തൊഴിലാളികൾക്ക് കോവിഡ് ബാധ. യു.പിയിലെ ബസ്തി ജില്ലയിൽ എത്തിച്ചവർക്കാണ് കോവിഡ് സ്ഥിരീകരീകരിച്ചത്.
മഹാരാഷ്ട്രയിൽ നിന്നും കഴിഞ്ഞാഴ്ച തിരിച്ചെത്തിച്ച ഇവരെ ക്വാറൻറീൻ കേന്ദ്രത്തിൽ പാർപ്പിച്ചിരിക്കുകയായിരുന്നു. രോഗലക്ഷണമുള്ളവരുടെ സാമ്പിൾ പരിശോധിച്ചതിൽ ഏഴു പേർ കോവിഡ് പോസിറ്റീവാണെന്ന് കണ്ടെത്തി. ഇവരെ ജില്ലാ ആശുപത്രിയിൽ പ്രവേശിപ്പിച്ചു. ഇവരുമായി സമ്പർക്കത്തിലുണ്ടായിരുന്നവരുടെ സാമ്പിളുകളും പരിശോധനക്ക് അയച്ചിട്ടുണ്ട്.
മറ്റ് സംസ്ഥാനങ്ങളിൽ നിന്നും തിരിച്ചെത്തിക്കുന്ന തൊഴിലാളികളെ പരിശോധനക്ക് ശേഷം ക്വാറൻറീൻ കേന്ദ്രങ്ങളിലേക്ക് മാറ്റുകയാണ് ചെയ്യുന്നത്. ഏറ്റവും കൂടുതൽ കോവിഡ് കേസുകളുള്ള മഹാരാഷ്ട്രയിൽ നിന്നും മടങ്ങിയെത്തിയ കുടിയേറ്റ തൊഴിലാളികൾ സംസ്ഥാനത്തെ വലിയ കോവിഡ് ക്ലസ്റ്ററാകാൻ സാധ്യതയുണ്ടെന്നാണ് റിപ്പോർട്ട്.
ഉത്തർപ്രദേശിൽ ഇതുവരെ 2281 പേർക്കാണ് കോവിഡ് സ്ഥിരീകരിച്ചിട്ടുള്ളത്. വൈറസ് ബാധയെ തുടർന്ന് 41 പേർ മരിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.