ശ്രീനഗർ: ജമ്മു കശ്മീരിലെ പുൽവാമ ജില്ലയിൽ സുരക്ഷാസേന നടത്തിയ വെടിവെപ്പിൽ രണ്ടു തീവ്രവാദികളെ വധിച്ചു. വ്യാഴാഴ്ച പുലർച്ചെ ഒന്നരക്ക് പുൽവാമ ജില്ലയിലെ ഗുസു ഗ്രാമത്തിലാണ് ഏറ്റുമുട്ടൽ നടന്നത്. തീവ്രവാദികളുടെ കൈയ്യിൽ നിന്ന് എ.കെ 47 റൈഫിൾസ് അടക്കം ആയുധങ്ങളും സ്ഫോടക വസ്തുക്കളും പിടിച്ചെടുത്തിട്ടുണ്ട്.
ഗ്രാമത്തിലെ ഒരു വീട്ടിൽ മൂന്ന് തീവ്രവാദികൾ ഒളിച്ചിരിക്കുന്നുവെന്ന രഹസ്യ വിവരത്തിന്റെ അടിസ്ഥാനത്തിലാണ് സുരക്ഷാ സേന തിരച്ചിൽ നടത്തിയത്. തിരച്ചിൽ നടത്തിയ സംയുക്ത സേനക്ക് നേരെ തീവ്രവാദികൾ വെടിയുതിർത്തു. ഇതേതുടർന്ന് സേന നടത്തിയ വെടിവെപ്പിലാണ് തീവ്രവാദികളെ വധിച്ചത്.
53 രാഷ്ട്രീയ റൈഫിൾസ്, 183 ബറ്റാലിയൻ സി.ആർ.പി.എഫ്, കശ്മീർ പൊലീസിന്റെ സ്പെഷ്യൽ ഒാപ്പറേഷൻ ഗ്രൂപ്പ് എന്നിവയാണ് തിരച്ചിലിൽ പങ്കെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.