റായ്പൂർ: ഛത്തീസ്ഗഡിലെ കബീർധാം ജില്ലയിൽ ഹോംതിയേറ്ററിന്റെ മ്യൂസിക് സിസ്റ്റം പൊട്ടിത്തെറിച്ച് നവ വരനും സഹോദരനും മരിച്ചു. നാലു പേർക്കു പരിക്കേറ്റതായും പൊലീസ് അറിയിച്ചു. തിങ്കളാഴ്ചയാണ് സംഭവം. അപകടത്തിന്റെ കാരണം വ്യക്തമല്ല.
സ്ഫോടനത്തിന്റെ ആഘാതത്തിൽ റൂമിന്റെ ചുവരും മേൽക്കൂരയും തകർന്നു. ഛത്തീസ്ഗഡ് - മധ്യപ്രദേശ് അതിർത്തി പ്രദേശമായ ഇവിടെ മാവോയിസ്റ്റ് ഭീഷണി നിലനിൽക്കുന്ന പ്രദേശമാണ്.
മരിച്ച മഹേന്ദ്ര മെറാവി(22) ഈ മാസം ഒന്നിനാണ് വിവാഹിതനായത്. തിങ്കളാഴ് ഇവർ വിവാഹ സമ്മാനങ്ങളുടെ പൊതി അഴിച്ചുനോക്കിയിരുന്നുവെന്നും മെറാവി ഹോം തിയേറ്റർ ഓണാക്കി ഒരു ഇലക്ട്രിക് ബോർഡുമായി ബന്ധിപ്പിക്കുന്നതിനിടെ അത് വൻ ശബ്ദത്തോടെ പൊട്ടിത്തെറിക്കുകയായിരുന്നുവെന്നും പൊലീസ് പറഞ്ഞു.
പരിക്കേറ്റവരിൽ ഒന്നര വയസ്സ് പ്രായമുള്ള കുഞ്ഞും ഉൾപ്പെടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.