തലച്ചോറിലെ രക്തക്കുഴലിൽ രക്തം കട്ടപിടിച്ച് തടസ്സമുണ്ടാകുകയോ പൊട്ടുകയോ ചെയ്യുമ്പോളാണ് സ്ട്രോക്ക് ഉണ്ടാകുന്നത്. പ്രധാനമായും മൂന്ന് തരം സ്ട്രോക്കുകളുണ്ട്
എംബോളിക് സ്ട്രോക്ക്
ശരീരത്തിന്റെ മറ്റേതെങ്കിലും ഭാഗത്ത് രൂപപ്പെടുന്ന രക്തക്കട്ട തലച്ചോറിലെ രക്തക്കുഴലുകളിലേക്ക് എത്തുകയും അവിടെ തടസ്സമുണ്ടാക്കുകയും ചെയ്യുമ്പോൾ സംഭവിക്കുന്നു.
ത്രോംബോട്ടിക് സ്ട്രോക്ക്
തലച്ചോറിലെ രക്തക്കുഴലുകളിൽ തന്നെ കൊഴുപ്പ് അടിഞ്ഞുകൂടി രക്തക്കട്ട രൂപപ്പെടുകയും രക്തയോട്ടം തടസ്സപ്പെടുത്തുകയും ചെയ്യുമ്പോൾ ഉണ്ടാകുന്നു.
ഹെമറാജിക് സ്ട്രോക്ക്
തലച്ചോറിലെ രക്തക്കുഴലുകൾ പൊട്ടി രക്തസ്രാവം ഉണ്ടാകുമ്പോൾ സംഭവിക്കുന്നു. രക്തക്കുഴലുകളിൽ ഉണ്ടാകുന്ന ബലൂൺ പോലുള്ള വീക്കം പൊട്ടുന്നത് ഇതിന് ഒരു പ്രധാന കാരണമാണ്.
ബോധക്ഷയത്തിന് പല കാരണങ്ങളുണ്ടാകാം (മരുന്നുകൾ, മദ്യപാനം, മറ്റ് രോഗങ്ങൾ). എന്നാൽ സ്ട്രോക്ക് തിരിച്ചറിയാൻ "FAST" എന്ന ചുരുക്കെഴുത്ത് ഓർക്കുക:
F = Facial Weakness (മുഖത്ത് ബലഹീനത): മുഖത്തിന്റെ ഒരു വശം കോടിപ്പോകുകയോ ബലഹീനത അനുഭവപ്പെടുകയോ ചെയ്യുക. പുഞ്ചിരിക്കാൻ പറയുമ്പോൾ ഒരു വശം മാത്രം അനങ്ങുക.
A = Arm Weakness (കൈക്ക് ബലഹീനത): ഒരു കൈക്ക് ബലമില്ലായ്മ അനുഭവപ്പെടുക. രണ്ട് കൈകളും ഉയർത്താൻ പറയുമ്പോൾ ഒരു കൈ താഴ്ന്നുപോകുക.
S = Slurring of Speech (സംസാരത്തിൽ അവ്യക്തത): സംസാരം കുഴയുകയോ വാക്കുകൾ വ്യക്തമല്ലാതിരിക്കുകയോ ചെയ്യുക. ഒരു ലളിതമായ വാചകം ആവർത്തിക്കാൻ പറയുമ്പോൾ ബുദ്ധിമുട്ട് അനുഭവപ്പെടുക.
T = Time (സമയം): ഇത് വളരെ പ്രധാനമാണ്. മസ്തിഷ്കാഘാതം സംഭവിച്ചതിന്റെ ആദ്യ 2.5 മണിക്കൂറിനുള്ളിൽ, പരമാവധി നാല് മണിക്കൂറിനുള്ളിൽ, ന്യൂറോ ഐ.സി.യു അല്ലെങ്കിൽ ന്യൂറോ സർജിക്കൽ ടീം ഉള്ള ഒരു മെഡിക്കൽ സൗകര്യത്തിൽ എത്തേണ്ടത് അത്യാവശ്യമാണ്. എത്രയും വേഗം ചികിത്സ ലഭിക്കുന്നുവോ അത്രയും അപകടം കുറക്കാം.
ബോധക്ഷയം
മാനസികപ്രവർത്തനങ്ങൾ താളംതെറ്റൽ
അപസ്മാരം
ശ്രദ്ധിക്കുക:
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.