ദുബൈ: നഗരത്തിലെ പാര്‍ക്കിങ് മീറ്ററുകള്‍ കൂടുതൽ സ്മാര്‍ട്ടാകുന്നു. എമിറേറ്റിലെ മുഴു വന്‍ പാര്‍ക്കിങ് മീറ്ററുകളും ഇ-പാര്‍ക്കിങ് സൗകര്യമൊരുക്കാന് ദുബൈ ആര്‍.ടി.എ നടപടി ആ രംഭിച്ചു. ഇ-പാര്‍ക്കിങ് സൗകര്യമുള്ള മീറ്ററുകളില്‍ പാര്‍ക്കിങ് ഫീസ് അടച്ചാല്‍ രസീത് വാഹനത്തിെൻറ ഡാഷ്ബോര്‍ഡില്‍ പ്രദര്‍ശിപ്പിക്കേണ്ടതില്ല. പാര്‍ക്കിങ് വിശദാംശങ്ങള്‍ ആർ.ടി.എയുടെ ഡേറ്റാബേസില്‍ ലഭ്യമായിട്ടുണ്ടാകും.
ആവശ്യമെങ്കില്‍ മാത്രം രസീത് പ്രിൻറ് ചെയ്താല്‍ മതി. പരീക്ഷണാടിസ്ഥാനത്തില്‍ ദുബൈ നഗരത്തിെൻറ പലഭാഗങ്ങളിലും സ്ഥാപിച്ചിരുന്ന ഇത്തരം മീറ്ററുകള്‍ എമിറേറ്റില്‍ മുഴുവന്‍ വ്യാപിപ്പിക്കാന്‍ ആര്‍.ടി.എ നടപടി ആരംഭിച്ചു. 2022നകം മുഴുവന്‍ പാര്‍ക്കിങ് മീറ്ററുകളും ഇ-പാര്‍ക്കിങ് സൗകര്യമുള്ളതാക്കും. വാഹന രജിസ്ട്രേഷന്‍ നമ്പറും രജിസ്റ്റര്‍ ചെയ്ത എമിറേറ്റും രേഖപ്പെടുത്തി വേണം ഇത്തരം പാര്‍ക്കിങ് മീറ്ററുകളില്‍ ഫീസടക്കാന്‍. സ്മാര്‍ട്ട്സിറ്റി, കടലാസ് രഹിത ഭരണം എന്നീ ലക്ഷ്യങ്ങള്‍ കൈവരിക്കുന്നതിെൻറ ഭാഗമായാണ് ഈ മാറ്റം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.