ദുബൈ: നബിദിനം പ്രമാണിച്ച് അബൂദബിക്ക് പുറമെ പാർക്കിങ് സൗജന്യമാക്കി ദുബൈയും ഷാർജയും. പൊതു അവധി ദിനമായ ശനിയാഴ്ചയാണ് സൗജന്യ പാർക്കിങ് പ്രഖ്യാപിച്ചിരിക്കുന്നത്. ദുബൈയിലും അബൂദബിയിലും ഞായറാഴ്ചയും പാർക്കിങ് സൗജന്യമായതിനാൽ തുടർച്ചയായ രണ്ട് ദിവസം സൗജന്യം ലഭിക്കും.
ഷാർജയിൽ വെള്ളി, ശനി ദിവസങ്ങളിലാണ് സൗജന്യ പാർക്കിങ്. അതേസമയം, ദുബൈയിലെ ബഹുനില പാർക്കിങ്ങുകൾ സൗജന്യമായിരിക്കില്ല. വാരാന്ത്യ അവധി ദിനങ്ങളിലും പണം നൽകി ഉപയോഗിക്കുന്ന ഷാർജയിലെ ചില സോണുകളിൽ നബിദിനത്തിലും സൗജന്യം ലഭിക്കില്ല.
അബൂദബിയിൽ ശനി മുതല്‍ തിങ്കള്‍ രാവിലെ 7.59 വരെയാണ് സൗജന്യ പാര്‍ക്കിങ്. മുസഫ എം 18ലെ ട്രക്ക് പാര്‍ക്കിങ്ങും നബിദിനത്തോടനുബന്ധിച്ച് ഫീസ് രഹിതമാക്കിയിട്ടുണ്ടെന്ന് സംയോജിത ഗതാഗത കേന്ദ്രം അറിയിച്ചു.
ദര്‍ബ് ടോള്‍ ഗേറ്റ് സംവിധാനം വെള്ളി, ശനി ദിവസങ്ങളില്‍ സൗജന്യമായിരിക്കും. തിങ്കളാഴ്ച മുതൽ ദര്‍ബ് ടോള്‍ പിരിവ് പുനരാരംഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.