നാല് വർഷം കൊണ്ടു ഇന്ത്യക്ക് വൻ മുന്നേറ്റം; പ്രതീക്ഷകൾ വർധിച്ചു -മോദി

വികസനത്തിന്​ കൈകോർക്കാൻ ലോക സർക്കാർ ഉച്ചകോടിയിൽ ആഹ്വാനം ദുബൈ: സാ​േങ്കതിക വിദ്യ വിനാശത്തിനല്ല, വികസനത്തിനു മാത്രം ഉപയോഗിക്കപ്പെടുന്നുവെന്ന്​  സർക്കാറുകൾ ഉറപ്പു വരുത്തണമെന്ന്​ പ്രധാനമന്ത്രി നരേന്ദ്രമോദി. ചിന്താവേഗമനുസരിച്ച്​ മാറുന്ന സാ​േങ്കതിക വിദ്യയും ശാസ്​ത്രയും നല്ല ഭരണനിർവഹണവും വഴി മനുഷ്യരാശിയുടെ സുവർണ ഭാവിക്കായി യത്​നിക്കാൻ മുഴുലോകവും മുന്നോട്ടുവരണമെന്നും ദുബൈയിൽ ലോക സർക്കാർ ഉച്ചകോടിയിൽ മുഖ്യ പ്രഭാഷണം നടത്തിക്കൊണ്ട്​ മോദി ആഹ്വാനം ചെയ്​തു.  

നൂറ്റാണ്ടുകൾ മുൻപു തന്നെ ആര്യഭടൻ, പിംഗൾ, ബ്രഹ്​മഗുപ്​തൻ, സുശ്രുതൻ, ചരകൻ തുടങ്ങിയ ഇന്ത്യൻ മനീഷികൾ ആരോഗ്യ^ഗണിത ശാസ്​ത്ര മേഖലക്കു നൽകിയ സംഭാവനകൾ ഇന്ത്യക്കു മാത്രമല്ല ഏവരുടെയും വികസനത്തിനാണ്​ ലഭ്യമായതെന്നു പറഞ്ഞ പ്രധാനമന്ത്രി ത​​​െൻറ സർക്കാറി​​​െൻറ നയം ഏവരുടെയും വികാസമാണെന്നും കൂട്ടിച്ചേർത്തു. ഇന്ത്യയിൽ നടപ്പാക്കി വരുന്ന ആധാർ, ഇ ഗവർണൻസ്​, ഗവർമ​​െൻറ്​ ഇ മാർക്കറ്റ്​, സ്​റ്റാർട്ട്​അപ്പ്​ ഇന്ത്യ തുടങ്ങിയ പദ്ധതികളുടെ മഹത്വവും വിശദീകരിച്ചു. ആവശ്യമാണ്​ കണ്ടുപിടുത്തങ്ങളുടെ മാതാവ്​ എന്ന ചിന്ത മാറിയതായും സാ​േങ്കതിക വിദ്യ സാധാരണക്കാരെയും ശാക്​തീകരിച്ചതായും മോദി പറഞ്ഞു.

ആരോഗ്യ പരിരക്ഷാ രംഗത്തും കാർഷിക മേഖലയിലും അതി​​​െൻറ നേട്ടങ്ങളുണ്ടായി. വൈകാതെ ഭൂകമ്പം ഉൾപ്പെടെയുള്ള ദുര​ന്തങ്ങൾ മുൻകൂട്ടി അറിയാൻ സാ​േങ്കതിക വിദ്യകൊണ്ടു കഴിഞ്ഞേക്കും. എന്നാൽ സ​ാ​േങ്കതിക വിദ്യ വരുത്തുന്ന മാറ്റങ്ങളും  ഉയർത്തുന്ന വെല്ലുവിളികളും സർക്കാറുകളുടെ ബോധ്യത്തിലുണ്ടാവണം. വികസനത്തി​​​െൻറ ഉപകരണങ്ങൾ ചിലപ്പോഴെങ്കിലും മനുഷ്യനാശത്തിനും തെമ്മാടിത്തരത്തിനും ഉപയോഗിക്കപ്പെടും.  സൈബർ ലോകത്തെ തീ​വ്രവാദ പ്രചരണത്തിനായി ദുരുപയോഗം ചെയ്യുന്നത്​ ഇതിനുദാഹരണമാണ്​. ഇത്രയേറെ പുരോഗതിയുണ്ടായിട്ടും പട്ടിണിയും ​േപാഷകാഹാര കുറവും ലോകത്തു നിന്ന്​ നീക്കം ചെയ്യാനായിട്ടില്ല. എന്നാൽ മറുവശത്ത്​ ഒ​േട്ടറെ സമ്പത്തും സമയവും സ്രോതസുകളും മിസൈലുകളും ബോംബും വികസിപ്പിക്കാൻ വിനിയോഗിക്കപ്പെടുകയാണ്​.

150 രാഷ്​ട്രങ്ങളിൽ നിന്നുള്ള ഭരണമേധാവികളും ശാസ്​ത്ര^വ്യവസായ മേഖലകളിലെ പ്രമുഖരും പ​​ങ്കുചേരുന്ന ഉച്ചകോടിയിൽ ഇന്ത്യയാണ്​ ഇൗ വർഷത്തെ വിശിഷ്​ട രാജ്യം. യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ അൽ മക്​തൂം, അബൂദബി കിരീടാവകാശിയും യു.എ.ഇ ഉപ സർവ്വ സൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ എന്നിവർ ചേർന്ന്​ മോദിയെ സ്വീകരിച്ചു. ജി.സി.സി രാജ്യങ്ങളിലെ വ്യവസായ പ്രമുഖരുമായും പ്രധാനമന്ത്രി കൂടിക്കാഴ്​ച നടത്തി.