മ്മടെ തൃശൂർ പൂരം വിളംബരവും ബ്രോഷർ പ്രകാശനവും കേന്ദ്രമന്ത്രിയും സിനിമതാരവുമായ സുരേഷ് ഗോപി നിർവഹിക്കുന്നു
ദുബൈ: മ്മടെ തൃശൂർ കൂട്ടായ്മയും സിനർജി ഇവന്റ്സും സംയുക്തമായി സംഘടിപ്പിക്കുന്ന ഈ വർഷത്തെ ‘മ്മടെ തൃശൂർ പൂരം’ നവംബർ 15, 16 തീയതികളിൽ ദുബൈയിലെ സഅബീൽ പാർക്കിൽ സംഘടിപ്പിക്കും. പൂര വിളംബരവും ബ്രോഷർ പ്രകാശനവും കേന്ദ്രമന്ത്രിയും സിനിമതാരവുമായ സുരേഷ് ഗോപി ദുബൈ സിലിക്കൺ ഒയാസിസ് മാളിൽ നടന്ന ചടങ്ങിൽ നിർവഹിച്ചു.
2019ൽ ദുബൈ ബോളിവുഡ് പാർക്കിൽ ആദ്യ തൃശൂർ പൂരം നടത്തി തുടക്കമിട്ട മ്മടെ തൃശൂർ കൂട്ടായ്മ ഇപ്പോൾ ആറാമത്തെ മ്മടെ പൂരത്തിനായ് ഒരുങ്ങുകയാണ്. ഇതിനായുള്ള തയാറെടുപ്പുകൾ അണിയറയിൽ ആരംഭിച്ചുകഴിഞ്ഞു.
20,000ത്തിലധികം പൂരപ്രേമികളെയാണ് ഈ വർഷം പ്രതീക്ഷിക്കുന്നത്. പൂരവിളംബര ചടങ്ങിൽ മ്മടെ തൃശൂർ പ്രസിഡന്റ് ദിനേശ് ബാബു, ജനറൽ സെക്രട്ടറി നിസാം അബ്ദു, ട്രഷറർ വിമൽ കേശവൻ, സിനർജി ഇവന്റ്സിന്റെ ബിന്ദു നായർ, പ്രജീബ് തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.