കാറും പാട്ടും ചേർന്ന കീകി ചാലഞ്ച്​: നൃത്തച്ചുവടുകൾ നീളുന്നത്​ ‘ട്രാപി’ലേക്ക്​

അബൂദബി: കനേഡിയൻ റാപ്​ ഗായകൻ ഒാബ്രി ഡ്രേക്​ ഗ്രഹാമി​​​െൻറ ‘ഇൻ മൈ ഫീലിങ്​സ്​’ ഗാനം യുവജനങ്ങളെ നിയമക്കുരുക്കിൽ വീഴ്​ത്തുന്നു. ‘ട്രാപ്​, ട്രാപ്​ മണിബെന്നി’ എന്ന്​ തുടങ്ങുന്ന ഗാനത്തി​​​െൻറ ‘കീകി, ഡു യു ലവ്​ മീ? ആർ യു റൈഡിങ്​’ എന്ന വരികൾക്കൊപ്പിച്ച്​ നൃത്തം ചെയ്യുന്ന ‘കീകി ചാലഞ്ച്​’ ആണ്​ അറസ്​റ്റിലേക്കും മറ്റു നിയമനടപടികളിലേക്കും നയിക്കുന്നത്​. ‘ദ ഷിഗിഷോ’ എന്ന ഇൻസ്​റ്റഗ്രാം ഉപയോക്​താവ്​ ഒാടുന്ന കാറിനരികിൽനിന്ന്​ ഇൗ വരികൾക്കൊപ്പിച്ച്​ നൃത്തം ചെയ്യുന്ന വിഡിയോ​ പോസ്​റ്റ്​ ചെയ്​തതോടെയാണ്​ ചാലഞ്ച്​ വൻ ട്രൻഡ്​ സൃഷ്​ടിച്ചത്​. ഇ​േതാടൊപ്പം വിവിധ രാജ്യങ്ങളിലെ പൊലീസിന്​ തലവേദനയായിരിക്കുകയാണ്​ ഇൗ നൃത്തച്ചുവടുകൾ. അതിനാൽ കീകി ചാലഞ്ച്​ നിയമലംഘനത്തി​​​െൻറ ട്രാപിലേക്കാണ്​ നർത്തകരെ എത്തിക്കുന്നത്​.

ഒാടുന്ന കാറിൽ  ‘കീകി, ഡു യു ലവ്​ മീ? ആർ യു റൈഡിങ്​’ എന്ന്​ പാടിത്തുടങ്ങു​േമ്പാൾ കാറിൽനിന്ന്​ ഇറങ്ങുകയും വാതിൽ തുറന്ന രീതിയിൽ പതിയെ ഒാടിക്കൊണ്ടിരിക്കുന്ന കാറിനൊപ്പം ചലിച്ച്​ നൃത്തം ചെയ്യുകയുമാണ്​ ചാലഞ്ച്​. ഇത്തരത്തിൽ നൃത്തം ചെയ്യുന്ന വിഡിയോ​ നിരവധി പേരാണ്​ സമൂഹ മാധ്യമങ്ങളിൽ പോസ്​റ്റ്​ ചെയ്യുന്നത്​. അപകടം സംഭവിച്ചാൽ​ സ്വന്തം ജീവനും മറ്റുള്ളവരുടെ ജീവനും ഭീഷണി നേരിടുന്നതിനാലാണ്​ അധികൃതർ ചാലഞ്ചിനെതിരെ രംഗത്ത്​ എത്തിയിരിക്കുന്നത്​. 

ഇത്തരത്തിൽ വീഡിയോ പോസ്​റ്റ്​ ചെയ്​ത മൂന്ന്​ സമൂഹ മാധ്യമ ഉപയോക്​താക്കളെ അറസ്​റ്റ്​ ചെയ്യാൻ അബൂദബി പബ്ലിക്​ ​പ്രോസിക്യൂഷൻ കഴിഞ്ഞ ദിവസം ഉത്തരവിട്ടു. മറ്റുള്ളവരുടെ ജീവന്​ ഭീഷണി സൃഷ്​ടിക്കുന്നതോടൊപ്പം  ഇൗ നൃത്തം പൊതു ധാർമികത ലംഘിക്കുന്നതായും പ്രോസിക്യൂഷൻ പ്രസ്​താവനയിൽ പറഞ്ഞു. ഇൗജിപ്​തിലും നേരത്തെ ‘കീകി ചാലഞ്ച്​ നിരോധിച്ചിരുന്നു.

ഇത്തരത്തിലുള്ള പ്രകടനം നടത്തി പിടിക്കപ്പെടുന്നവർ ശിക്ഷിക്കപ്പെടുമെന്ന്​ അബൂദബി ട്രാഫിക്​^പട്രോൾസ്​ ഡയറക്​ടറേറ്റ്​ ഡയറക്​ടർ ബ്രിഗേഡിയർ ഖലീഫ ആൽ ഖെയ്​ലി പറഞ്ഞു. നമ്മുടെ പൈതൃകത്തി​​​െൻറ ഭാഗമല്ലാത്ത ഇൗ നടപടി സമൂഹത്തിലേക്ക്​ കടന്നുകയറുന്ന പ്രവണത അംഗീകരിക്കാനാവില്ല. യുവ ജനങ്ങൾ ഇത്തരം വിദേശ പ്രവണതകൾ സ്വീകരിക്കുന്നതിനോട്​ യോജിക്കാനാവില്ലെന്നും അദ്ദേഹം വ്യക്​തമാക്കി. ‘കീകി ചാലഞ്ചി’ൽ പ​െങ്കടുക്കുന്നവർക്ക്​ 2000 ദിർഹം പിഴയും 23 ബ്ലാക്ക്​ പോയിൻറും ശിക്ഷ ലഭിക്കും. കാർ കണ്ടുകെട്ടുകയും ചെയ്യും. ഇത്തരം സാഹസികതക്കിടെ ആർക്കെങ്കിലും പരിക്കേൽക്കുകയോ മരണം സംഭവിക്കുകയോ ചെയ്​താൽ കടുത്ത ശിക്ഷ അനുഭവിക്കേണ്ടി വരും.