ദുബൈ: അഡ്നോക്കിൽ ജോലി ഒഴിവുണ്ടെന്ന പ്രചാരണത്തെ തുടർന്ന് ഒഴുകിയെത്തിയത് നൂറുകണക്കിനാളുകൾ. ദുബൈ ബിസിനസ് ബേയിലെ ഓഫിസിലേക്കാണ് മലയാളികളടക്കമുള്ളവർ എത്തിയത്. നിയന്ത്രണാധീതമായി ആളുകൾ എത്തിയതോടെ അധികൃതർ ഇവരെ മടക്കി അയച്ചു. അഡ്നോകിൽ നിരവധി ജോലി ഒഴിവുകൾ ഉണ്ടെന്ന് ചൂണ്ടിക്കാണിച്ച് സമൂഹമാധ്യമങ്ങളിൽ നടന്ന പ്രചാരണമാണ് ഇവിടേക്ക് ആളുകൾ ഒഴുകിയെത്താൻ കാരണമായത്. എന്നാൽ, വളരെ കുറച്ച് ഒഴിവുകൾ മാത്രമാണ് ഇവിടെയുണ്ടായിരുന്നത്. അബൂദബി, റാസൽഖൈമ, ഫുജൈറ തുടങ്ങിയ എമിറേറ്റുകളിൽനിന്ന് പോലും ആളുകൾ രാവിലെ തന്നെ ബിസിനസ് ബേയിലെ ഓഫിസിൽ എത്തിയിരുന്നു. ഇവിടത്തെ തിരക്കിന്റെ വീഡിയോ സമൂഹമാധ്യമങ്ങളിൽ പ്രചരിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.