അന്താരാഷ്​ട്ര മയക്കുമരുന്ന് വിതരണ സംഘം പിടിയിൽ

ദുബൈ: അന്താരാഷ്​ട്ര മയക്കുമരുന്ന്​ സംഘത്തിലെ കണ്ണി​കളെ ഷാർജ പൊലീസി​െൻറ സഹകരണത്തോടെ ദുബൈ പൊലീസ്​ പിടികൂടി. യു.എ.ഇയിൽ എത്തിച്ച മയക്കുമരുന്ന്​ വിതരണം ചെയ്യുന്നവരാണ്​ പിടിയിലായത്​. ഇവരിൽനിന്ന്​ 33 കിലോ മയക്കുമരുന്ന്​ പിടിച്ചെടുത്തു.

യു.എ.ഇയിലെ വെയർഹൗസ്​ ​േകന്ദ്രീകരിച്ച്​ മയക്കുമരുന്ന്​ വിതരണം ചെയ്യുന്നു എന്ന രഹസ്യ വിവരത്തി​െൻറ അടിസ്ഥാനത്തിൽ ദു​ൈബ പൊലീസ്​ നടത്തിയ ഓപറേഷനിലാണ്​ ഇവർ കുടുങ്ങിയത്​. ലഹരിവേട്ടയുടെ ദൃശ്യങ്ങളും ദുബൈ പൊലീസ് പുറത്തുവിട്ടു. സംഘത്തലവ​െൻറ നിർദേശപ്രകാരം 22 കിലോ മയക്കുമരുന്ന്​ ഷാർജയിൽ എത്തിക്കുന്നതിനിടെയാണ് രണ്ടുപേർ പിടിയിലാകുന്നത്.

11 കിലോ മയക്കുമരുന്നുമായി എത്തുന്നതിനിടെ മൂന്നാമനും പൊലീസി​െൻറ പിടിയിലായി. 22,000 ദിർഹത്തി​െൻറയും 3000 ദിർഹത്തി​െൻറയും ലഹരിമരുന്ന്​ ശേഖരമാണ് ഇവരിൽനിന്ന് കണ്ടെത്തിയത്.രണ്ടു​ ദിവസത്തെ നിരീക്ഷണത്തിനു​ ശേഷമായിരുന്നു ഇവരെ അറസ്​റ്റ്​ ചെയ്​തതെന്ന്​ ദുബൈ പൊലീസ്​ ആൻറി നാർകോട്ടിക്​ വിഭാഗം ഡയറക്​ടർ ബ്രിഗേഡിയർ ഈദ്​ മുഹമ്മദ്​ താനി ഹാരിബ്​ പറഞ്ഞു. ഇവരെ പബ്ലിക്​ ​പ്രോസിക്യൂഷന്​ കൈമാറി.