എമിറേറ്റ്​സ്​ സാഹിത്യോത്സവം ജനുവരി 31 മുതൽ

ദു​ബൈ: എ​മി​റേ​റ്റി​ലെ ഏ​റ്റ​വും ശ്ര​ദ്ധേ​യ​മാ​യ സാ​ഹി​ത്യോ​ൽ​സ​വ​ങ്ങ​ളി​ലൊ​ന്നാ​യ എ​മി​റേ​റ്റ്​​സ്​ ലി​റ്റ്​​ഫെ​സ്റ്റി​ന്‍റെ 16ാമ​ത്​ എ​ഡി​ഷ​ൻ ജ​നു​വ​രി 31മു​ത​ൽ ഫെ​ബ്രു​വ​രി ആ​റു വ​രെ ന​ട​ക്കും. ഫെ​സ്റ്റി​വ​ൽ സി​റ്റി​യി​ലെ ഇ​ന്‍റ​ർ കോ​ണ്ടി​ന​ന്‍റ​ൽ ഹോ​ട്ട​ലാ​ണ്​ വേ​ദി​യാ​കു​ന്ന​ത്. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള എ​ഴു​ത്തു​കാ​ർ, ചി​ന്ത​ക​ർ, ക​ലാ​കാ​ര​ൻ​മാ​ർ എ​ന്നി​വ​ർ പ​രി​പാ​ടി​യി​ൽ പ​​ങ്കെ​ടു​ക്കും.

എ​മി​റേ​റ്റ്​​സ്​ എ​യ​ർ​ലൈ​ൻ മു​ഖ്യ​പ്രാ​യോ​ജ​ക​രാ​യ സാ​ഹി​ത്യോ​ൽ​സ​വം, എ​മി​റേ​റ്റി​ലെ സാം​സ്കാ​രി​ക വ​കു​പ്പാ​യ ദു​ബൈ ക​ൾ​ച​റാ​ണ്​ സം​ഘ​ടി​പ്പി​ക്കു​ന്ന​ത്. മു​ൻ വ​ർ​ഷ​ങ്ങ​ളി​ൽ ലോ​ക​ത്തെ നൂ​റി​ലേ​റെ രാ​ജ്യ​ങ്ങ​ളി​ൽ​നി​ന്ന് ര​ണ്ടാ​യി​ര​ത്തി​ലേ​റെ എ​ഴു​ത്തു​കാ​ർ പ​രി​പാ​ടി​യു​ടെ വേ​ദി​യി​​ലെ​ത്തി​യി​ട്ടു​ണ്ട്. ഈ ​വ​ർ​ഷം, ബു​ക്ക​ർ പ്രൈ​സ് നേ​ടി​യ എ​ഴു​ത്തു​കാ​ര​നും റോ​യ​ൽ സൊ​സൈ​റ്റി ഓ​ഫ് ലി​റ്റ​റേ​ച്ച​റി​ന്റെ പ്ര​സി​ഡ​ന്റു​മാ​യ ബെ​ർ​ണാ​ർ​ഡി​ൻ എ​വാ​രി​സ്റ്റോ ഉ​ൾ​പ്പെ​ടെ അ​ന്താ​രാ​ഷ്ട്ര ത​ല​ത്തി​ലെ എ​ഴു​ത്തു​കാ​ർ പ​രി​പാ​ടി​ക്കെ​ത്തു​ന്നു​ണ്ട്. പ്ര​ശ​സ്ത ഷൂ, ​ആ​ക്സ​സ​റീ​സ് ഡി​സൈ​ന​റും ‘ഓ ​മൈ ഗോ​ഷി’​ന്റെ ര​ച​യി​താ​വു​മാ​യ സോ​ഫി​യ വെ​ബ്സ്റ്റ​ർ, ഐ​സ്​​ലാ​ൻ​ഡ്​ പ്ര​ഥ​മ വ​നി​ത എ​ലി​സ റീ​ഡ്, ഈ​ജി​പ്ഷ്യ​ൻ ഗ്രാ​ഫി​ക് നോ​വ​ലി​സ്റ്റും ചി​ത്ര​കാ​രി​യു​മാ​യ ദീ​ന മു​ഹ​മ്മ​ദ് തു​ട​ങ്ങി​യ​വ​രും എ​ത്തു​ന്നു​ണ്ട്. ക​ഴി​ഞ്ഞ വ​ർ​ഷം ഇ​ന്ത്യ​യി​ൽ നി​ന്ന്​ ഗീ​താ​ജ്ഞ​ലി ശ്രീ​യും ശ​ശി ത​രൂ​രും അ​ട​ക്ക​മു​ള്ള​വ​ർ പ​​ങ്കെ​ടു​ത്തി​രു​ന്നു.