പ്ര​മു​ഖ ഇ​മാ​റാ​ത്തി ച​രി​ത്ര​കാ​ര​ൻ പീ​റ്റ​ർ ഹെ​ല്യ​ർ അ​ന്ത​രി​ച്ചു

ദു​ബൈ: പ്ര​മു​ഖ ഇ​മാ​റാ​ത്തി ച​രി​ത്ര​കാ​ര​നും എ​ഴു​ത്തു​കാ​ര​നും മാ​ധ്യ​മ​പ്ര​വ​ർ​ത്ത​ക​നു​മാ​യ പീ​റ്റ​ർ ഹെ​ല്യ​ർ അ​ന്ത​രി​ച്ചു. ബ്രി​ട്ട​നി​ൽ നി​ന്ന്​ 1975ൽ ​യു.​എ.​ഇ​യി​ലെ​ത്തി​യ ഇ​ദ്ദേ​ഹം രാ​ജ്യ​ത്തെ മാ​ധ്യ​മ, സാം​സ്കാ​രി​ക സം​വി​ധാ​ന​ങ്ങ​ളു​ടെ വി​കാ​സ​ത്തി​ന്​ നി​സ്തു​ല​മാ​യ പ​ങ്കു​വ​ഹി​ച്ചി​ട്ടു​ണ്ട്. ഡോ​ക്യു​മെ​ന്‍റ​റി സം​വി​ധാ​യ​ക​നാ​യാ​ണ്​ പീ​റ്റ​ർ ഹെ​ല്യ​ർ യു.​എ.​ഇ​യി​ൽ എ​ത്തി​ച്ചേ​രു​ന്ന​ത്.

പി​ന്നീ​ട്​ രാ​ജ്യ​ത്ത്​ തു​ട​രാ​ൻ തീ​രു​മാ​നി​ക്കു​ക​യും സ​ർ​ക്കാ​ർ ക​മ്യൂ​ണി​ക്കേ​ഷ​ൻ വി​ഭാ​ഗ​ത്തി​ൽ വി​വി​ധ ചു​മ​ത​ല​ക​ൾ വ​ഹി​ക്കു​ക​യു​മാ​യി​രു​ന്നു. യു.​എ.​ഇ​യു​ടെ ഔ​ദ്യോ​ഗി​ക വാ​ർ​ത്ത ഏ​ജ​ൻ​സി​യു​ടെ സ്ഥാ​പ​ക​രി​ൽ ഒ​രാ​ളാ​യി​രു​ന്നു. വാ​ർ​ത്ത ഏ​ജ​ൻ​സി​യാ​യ ‘വാം’ ​ഇം​ഗ്ലീ​ഷ്​ വി​ഭാ​ഗം സ്ഥാ​പ​ക​നാ​യി​രു​ന്നു.

യു.​എ.​ഇ​യി​ലെ പാ​രി​സ്ഥി​തി​ക, പു​രാ​വ​സ്തു പൈ​തൃ​ക​ത്തെ​ക്കു​റി​ച്ച്​ നി​ര​വ​ധി പു​സ്ത​ക​ങ്ങ​ളും ര​ചി​ച്ചി​ട്ടു​ണ്ട്. പു​രാ​വ​സ്തു ഗ​വേ​ഷ​ണ മേ​ഖ​ല​യി​ലെ സം​ഭാ​വ​ന​ക​ളി​ലൂ​ടെ പ്ര​ശ​സ്ത​നാ​യ ഇ​ദ്ദേ​ഹം അ​ബൂ​ദ​ബി ആ​ർ​ക്കി​യോ​ള​ജി​ക്ക​ൽ സ​ർ​വേ​യു​ടെ സ​ഹ സ്ഥാ​പ​ക​നും ഡ​യ​റ​ക്ട​റു​മാ​യി​രു​ന്നു. നി​ര​വ​ധി പു​രാ​ത​ന ച​രി​ത്ര സ്ഥ​ല​ങ്ങ​ൾ ക​ണ്ടെ​ത്തു​ന്ന​തി​ൽ സ്ഥാ​പ​നം നേ​തൃ​ത്വം ന​ൽ​കി​യി​ട്ടു​ണ്ട്.

എ​മി​റേ​റ്റ്​​സ്​ നാ​ച്വ​റ​ൽ ഹി​സ്റ്റ​റി കൂ​ട്ടാ​യ്മ​യു​ടെ ചെ​യ​ർ​മാ​നാ​യും സേ​വ​ന​മ​നു​ഷ്ഠി​ച്ചു. നി​ര​വ​ധി സ​ർ​ക്കാ​ർ ഇ​യ​ർ​ബു​ക്കു​ക​ളി​ൽ എ​ഴു​തു​ക​യും ചെ​യ്​​തി​ട്ടു​ണ്ട്. ‘ഫു​ജൈ​റ: ഒ​രു അ​റേ​ബ്യ​ൻ മു​ത്ത്​’, ‘അ​ൽ ഐ​ൻ: മ​രു​പ്പ​ച്ച​ക​ളു​ടെ ന​ഗ​രം’ എ​ന്നീ പു​സ്ത​ക​ങ്ങ​ളു​ടെ സ​ഹ എ​ഴു​ത്തു​കാ​ര​നു​മാ​യി​രു​ന്നു. പീ​റ്റ​ർ ഹെ​ല്യ​റു​ടെ നി​ര്യാ​ണ​ത്തി​ൽ അ​നു​ശോ​ച​നം അ​റി​യി​ക്കു​ന്ന​താ​യി വാ​ർ​ത്ത ഏ​ജ​ൻ​സി ‘വാം’ ​അ​റി​യി​ച്ചു.