ദുബൈ: കാസർകോട് തളങ്കര പള്ളിക്കാൽ സ്വദേശി അജ്മാനിൽ നിര്യാതനായി. ഷാർജ ഗൾഫ് ഏഷ്യൻ സ്കൂൾ അഡ്മിനിസ്ട്രേഷൻ വിഭാഗം മാനേജർ കെ.എ അബ്ദുൽ മുനീർ (62) ആണ് മരിച്ചത്. അസുഖത്തെ തുടർന്ന് അജ്മാൻ ഖലീഫ ആശുപത്രിയിൽ ചികിൽസയിലായിരുന്നു. നേരത്തേ കാസർകോട് ഇസ്ലാമിയ ടൈൽ കമ്പനിയിലടക്കം നിരവധി സ്ഥാപനങ്ങളിൽ അക്കൗണ്ട് വിഭാഗത്തിൽ ജോലി ചെയ്തിരുന്നു. 19 വർഷമായി യു.എ.ഇയിലാണ്. പള്ളിക്കാലിലെ പരേതരായ അഹ്മദ്- ആയിഷ ദമ്പതികളുടെ മകനാണ്.
സമസ്ത കേരള ജംഇയ്യത്തുൽ ഉലമ നേതാവായിരുന്ന പരേതനായ പള്ളിപ്പുഴ അബ്ദുല്ല മൗലവിയുടെ മകൾ നജ്മുന്നിസയാണ് ഭാര്യ. മക്കൾ: മുനവ്വർ, മുനാസർ, നുജൈമ. സഹോദരങ്ങൾ: അബ്ദുൽ റസാക്ക്, മൊയ്ദു ( ഷാർജ), ഉസ്മാൻ എന്ന ഉത്ത, ഹനീഫ പള്ളിക്കാൽ. മയ്യിത്ത് ഇന്നലെ രാത്രി അജ്മാൻ ഖബർസ്ഥാനിൽ ഖബറടക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.