ദുബൈ: പ്രതികാരത്തിെൻറ പുതിയ വഴികൾ പരീക്ഷിച്ച യുവാവിനെ പൊലീസ് പിടികൂടി. മുൻ കാമു കിയോടുള്ള പ്രതികാരം തീർക്കാൻ അവരുടെ കാറുകൾ രാസലായിനി ഒഴിച്ച് നശിപ്പിച്ച യുവാ വാണ് കെണിയിലായത്. അരിശം തീരാത്ത യുവാവ് ഇവരുടെ ബന്ധുക്കളുടെ മൂന്നു കാറുകളിലും രാസലായിനി ഒഴിച്ചു. അൽകൂസിലാണ് സംഭവം. തങ്ങളുടെ കാറുകൾ അജ്ഞാതർ നശിപ്പിച്ചെന്നു ചൂണ്ടിക്കാണിച്ച് പെൺകുട്ടിയുടെ കുടുംബക്കാർ ബർദുബൈ പൊലീസിൽ പരാതി നൽകുകയായിരുന്നു. ഹെൽമറ്റ് ധരിച്ച ഒരാൾ ബൈക്കിലെത്തിയശേഷം കാറിൽ രാസലായിനി ഒഴിക്കുന്നതായി സി.സി ടി.വി ദൃശ്യങ്ങളിൽ വ്യക്തമാണ്. എന്നാൽ, ആരാണെന്ന് പെൺകുട്ടിക്കും കുടുംബാംഗങ്ങൾക്കും അറിയില്ലായിരുന്നു.
എന്നാൽ, അത്യാധുനിക സംവിധാനങ്ങൾ ഉപയോഗിച്ചുള്ള പരിശോധനയിൽ പ്രതിയെ തിരിച്ചറിയുകയായിരുന്നുവെന്ന് ബർ ദുബൈ പൊലീസ് ഡയറക്ടർ ബ്രിഗേഡിയർ അബ്ദുല്ല ഖദം ബിൻ സുറൂർ അറിയിച്ചു. പ്രണയകാലത്ത് നൽകിയ പണവും ആഭരണങ്ങളും തിരിച്ചുനൽകാത്തതിലുള്ള നിരാശയാണ് തന്നെ കുറ്റകൃത്യത്തിന് പ്രേരിപ്പിച്ചതെന്ന് പ്രതി പൊലീസിനോട് പറഞ്ഞു. രണ്ടു സുഹൃത്തുക്കൾ തന്നെ സഹായിച്ചതായും ഇയാൾ സമ്മതിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.