ഷാർജ സഹാറ സെന്ററിൽ തുറന്ന ഹൈലാൻഡർ, ടോക്കിയോ ടാക്കീസ് ഷോറൂമിന്റെ ഉദ്ഘാടനം ഇന്ത്യൻ ക്രിക്കറ്റർ സഞ്ജു സാംസൺ നിർവഹിക്കുന്നു
ഷാർജ: റാഫേൽ ലൈഫ് സ്റ്റൈലുമായി ചേർന്ന് ബ്രാൻഡ് സ്റ്റുഡിയോ ലൈഫ് സ്റ്റൈൽ യു.എ.ഇയിൽ ഹൈലാൻഡർ, ടോക്കിയോ ടാക്കീസിന്റെ മൂന്നു ഷോറൂമുകൾ തുറന്നു. ഷാർജയിലെ സഹാറ സെന്റർ, മെഗാ മാൾ, ദുബൈയിലെ ബുർജുമാൻ മാൾ എന്നിവിടങ്ങളിലാണ് പുതിയ ഷോറൂമുകൾ. സഹാറ സെന്ററിൽ ബുധനാഴ്ച തുറന്ന ഷോറൂമിന്റെ ഉദ്ഘാടനം ഇന്ത്യൻ ക്രിക്കറ്റ് താരവും മലയാളിയും റാഫേൽ ലൈഫ് സൈറ്റലിന്റെ ബ്രാൻഡ് അംബാസിഡറുമായ സഞ്ജുസാംസൺ നിർവഹിച്ചു.
ഇന്ത്യയിൽ ഫാഷൻ വസ്ത്രവ്യാപാര രംഗത്ത് അതിവേഗം വളരുന്ന സ്ഥാപനമാണ് ബ്രാൻഡ് സ്റ്റുഡിയോ ലൈഫ് സ്റ്റൈൽ. പ്രവർത്തനം ആരംഭിച്ച് ഒമ്പത് മാസം പിന്നിടുമ്പോൾ ഇന്ത്യയിലുടനീളം 37 സ്റ്റോറുകൾ തുറന്നുകഴിഞ്ഞു. 2026 മാർച്ചോടെ 38 സ്റ്റോറുകൾ കൂടി തുറക്കുകയാണ് ലക്ഷ്യം. റാഫേൽ ഗ്രൂപ്പിന്റെ റീറ്റെയിൽ ബ്രാൻഡായ റാഫേൽ ലൈഫ് സ്റ്റൈലുമായി കൈകോർത്താണ് ബ്രാൻഡ് സ്റ്റുഡിയോ ലൈഫ് സ്റ്റൈൽ യു.എ.ഇയിൽ ചുവടുറപ്പിക്കുന്നത്. ഇതിന്റെ ഭാഗമായി അടുത്ത മാർച്ചോടെ മിഡിൽ ഈസ്റ്റിൽ ഏഴ് ഷോറൂകൾ കൂടി തുറക്കാനാണ് പദ്ധതി. 5,000 ചതുശ്ര അടി വിസ്തൃതിയിലാണ് ബുർജുമാൻ മാളിലേയും ഷാർജയിലെ മെഗാമാളിലേയും ഷോറൂമുകൾ നിർമിച്ചിരിക്കുന്നത്. സഹാറ സെന്റർ ഷോറൂമിന് 9,000 ചതുരശ്ര അടിയും വിസ്തൃതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.