സൗദിയിൽ കോവിഡ്​ ബാധിതരുടെ എണ്ണം കുറയുന്നു 

റിയാദ്​: സൗദി അറേബ്യയിൽ കോവിഡ് ബാധിക്കുന്നവരുടെ എണ്ണം കുറയുന്നു. വ്യാഴാഴ്​ച പുതുതായി രോഗം കണ്ടെത്തിയത്​ 1644 പേർക്ക്​മാത്രമാണ്​. മുൻ ദിവസങ്ങളെ അപേക്ഷിച്ച്​ ഇത്​ വളരെ കുറവാണ്​. രോഗമുക്തരുടെ എണ്ണം ഉയരുന്നുമുണ്ട്​​. വ്യാഴാഴ്​ച ഇത്​ റെക്കോർഡിലെത്തി. 24 മണിക്കൂറിനിടെ 3531 ആളുകളാണ്​  രോഗമുക്തി നേടി ആശുപത്രി വിട്ടത്​.

ഇതുവരെ രോഗം ബാധിച്ച 80,185 പേരിൽ 54,553 പേർ സുഖം പ്രാപിച്ചു. 25,191 ആളുകൾ മാത്രമേ ആശുപത്രികളിൽ ചികിത്സയിലുള്ളൂ. എന്നാൽ, 24 മണിക്കൂറിനിടെ രാജ്യത്ത് കോവിഡ്​ ബാധിച്ച്​​ 16 പേർ കൂടി മരിച്ചു. ഇതോടെ ആകെ മരണസംഖ്യ 441 ആയി. മക്ക (5), ജിദ്ദ (4), മദീന (2), റിയാദ്​ (2), ദമ്മാം (1), ഖോബാർ (1), ഹാഇൽ (1) എന്നിങ്ങനെയാണ്​ മരണം.

രാജ്യത്താകെ ഇതുവരെ 7,70,696 കോവിഡ്​ പരിശോധനകൾ നടന്നു. രോഗികളെ കണ്ടെത്താൻ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീൽഡ്​ സർവേ 39ാം ദിവസത്തിലെത്തി. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കൽ ടീമി​​െൻറ പരിശോധന​ക്ക്​ പുറമെ മൂന്നാം ഘട്ടമായി ജൂൺ ഒന്ന്​ മുതൽ മൊബൈൽ ലാബുകളിലും പ്രാഥമികാരോഗ്യകേന്ദ്രങ്ങളിലും പരിശോധനകൾ നടത്തും. മക്കയിൽ വ്യാഴാഴ്​ച അഞ്ചും ജിദ്ദയിൽ നാലും പേരാണ്​ മരിച്ചത്​. ഇതോടെ മരണസംഖ്യ മക്കയിൽ 199 ഉം ജിദ്ദയിൽ 126ഉം ആയി. 

പുതിയ രോഗികൾ:
റിയാദ്​ -611, ജിദ്ദ -360, മക്ക -148, ദമ്മാം -101, ഹുഫൂഫ്​ -91, മദീന -50, ഖോബാർ -46, ദഹ്​റാൻ -25, ത്വാഇഫ്​ -22, ഹാഇൽ -20, അൽമബ്​റസ്​- 17, ജുബൈൽ -17, തബൂക്ക്​ -16, ഖുലൈസ്​ -15, ഖത്വീഫ്​ -13, അബ്​ഖൈഖ്​ -13, റാസതനൂറ -8, അൽഷറഫ്​ -8, അൽജഫർ -5, നജ്​റാൻ -5, ബുറൈദ -4, ഖമീസ്​ മുശൈത്​ -4, അൽഖർജ്​ -4, ബേഷ്​ -3, അൽഅയ്​സ്​ -2, യാംബു -2, അൽഖുറയാത്​ -2, അൽമദ്ദ -2, അൽനമാസ്​ -2, അൽഖ-ഫ്​ജി -2, സഫ്​വ -2, ജീസാൻ -2, അറാർ -2, ഖൈബർ -1, അൽറസ്​ -1, അയൂൻ ജുവ -1, ഉനൈസ -1, മുസൈലിഫ്​ -1, ഖുൻഫുദ -1, അൽഹദ -1, റാനിയ -1, അബഹ -1, അൽമജാരിദ -1, അഹദ്​ റുഫൈദ -1, നാരിയ -1, ഹഫർ അൽബാത്വിൻ -1, അൽഗസല -1, തുവാൽ -1, ഫൈഫ -1, സബ്​യ -1, ശറൂറ -1, അൽദിലം -1, മജ്​മഅ -1 

മരണസംഖ്യ:
മക്ക -199, ജിദ്ദ -126, മദീന -47, റിയാദ്​ -26, ദമ്മാം -12, ഹുഫൂഫ്​ -4, അൽഖോബാർ -4, ജുബൈൽ -3, ബുറൈദ -3, ത്വാഇഫ്​ -3, ബീഷ -2, ജീസാൻ -1, ഖത്വീഫ് -1​, ഖമീസ്​ മുശൈത്ത് -1​, അൽബദാഇ -1, തബൂക്ക്​ -1, വാദി ദവാസിർ -1, യാംബു -1, റഫ്​ഹ -1, അൽഖർജ്​ -1, നാരിയ -1, ഹാഇൽ -1