റിയാദ്: സമസ്ത കേരള ജംഇയ്യത്തുൽ ഉലമയുടെ സൗദിയിലെ പോഷക സംഘടനയായ സമസ്ത ഇസ്‌ലാമിക് സെൻറർ (എസ്.ഐ.സി)െൻറ ലോഗോ പ്രകാശനം ചെയ്തു. കേന്ദ്ര കമ്മിറ്റി നിർദേശപ്രകാരം ലഭിച്ച നിരവധി ലോഗോകളിൽ നിന്നും ജൂറി അംഗങ്ങളായ സിയാദ് ഹുദവി മുണ്ടേരി, സുഹൈൽ ഹുദവി വളവന്നൂർ എന്നിവർ തെരഞ്ഞെടുത്ത ലോഗോക്ക് സമസ്ത പ്രസിഡൻറ് സയ്യിദ് ജിഫ്‌രി മുത്തുക്കോയ തങ്ങൾ, പാണക്കാട് ഹൈദരലി ശിഹാബ് തങ്ങൾ, സമസ്ത ജനറൽ സെക്രട്ടറി പ്രഫ. ആലിക്കുട്ടി മുസ്‌ല്യാർ, എസ്.ഐ.സി സൗദി നിരീക്ഷകൻ മോയിൻകുട്ടി എന്നിവർ അംഗീകാരം നൽകി.
മൻസൂർ എടത്തിൽ ആണ് ലോഗോ രൂപകൽപ്പന ചെയ്തത്. സമസ്ത കേരള സുന്നി സ്റ്റുഡൻറ്സ് ഫെഡറേഷൻ (എസ്.കെ.എസ്.എസ്.എഫ്) ഓൺലൈൻ ഖാഫില പ്രവർത്തകനാണ് മൻസൂർ. സൗദിയിലെ വിവിധ പേരുകളിൽ പ്രവർത്തിച്ചിരുന്ന സമസ്ത സംഘടനകളെ ഏേകാപിപ്പിച്ച് എസ്.ഐ.സി എന്ന പേരിൽ ഒറ്റ സംഘടന രൂപവത്കരിച്ചത് രണ്ടാഴ്ച മുമ്പാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.