ചരിത്രം കുറിച്ചു: ദമ്മാം ഇന്ത്യൻ സ്​കൂളിലെ ആദ്യ വനിത പ്രിൻസിപ്പലായി മെഹ്​നാസ്​ ഫരീദ്

ദമ്മാം: ചരിത്രം കുറിച്ച്​ ദമ്മാം ഇൻറർനാഷനൽ ഇന്ത്യൻ സ്​കൂളിൽ ആദ്യ വനിത പ്രിൻസിപ്പൽ സ്ഥാനമേറ്റു. സാമ്പത്തിക ക്രമക്കേട്​ ആരോപണത്തെ തുടർന്ന്​ പുറത്താക്കപ്പെട്ട പ്രിൻസിപ്പൽ സുബൈർ ഖാ​െൻറ ഒഴിവിലാണ്​ സ്​കൂളിലെ സീനിയർ അധ്യാപിക മെഹ്​നാസ്​ ഫരീദ്​ നിയമിക്കപ്പെട്ടത്​. കുട്ടികളുടെയും രക്ഷിതാക്കളുടെയ​ും ഇഷ്​ട അധ്യാപികകൂടിയായ മെഹ്​നാസി​െൻറ പുതിയ നിയോഗം എല്ലാവരിലും ആഹ്ലാദം പരത്തി. സ്​കൂളി​െൻറ പ്രവർത്തനങ്ങളിൽ സുതാര്യതയും പൊതുതാൽപര്യങ്ങളും സംരക്ഷിക്കാൻ അവർക്ക്​ കഴിയുമെന്നാണ്​ പൊതുവേ വിലയിരുത്തൽ. ഒന്നര വർഷം​ മുമ്പ്​ ചുമതലയേറ്റ സുബൈർ ഖാൻ സാമ്പത്തിക ക്രമക്കേടുകളുമായി ബന്ധപ്പെട്ട്​ ഉയർന്ന ആരോപണങ്ങളെ തുടർന്നാണ്​ പുറത്തായത്​. 1982ൽ സ്ഥാപിതമായ ദമ്മാം സ്​ക​ൂളിൽ 1985 മുതൽ മെഹ്​നാസ്​ ഫരീദ്​ അധ്യാപികയാണ്​​. മുംബെ സ്വദേശിനിയായ അവർ ​ൈപ്രമറി ക്ലാസ്​ ടീച്ചറായാണ്​ സ്​കൂളിൽ ചേർന്നത്​. പിന്നീട്​ പടിപടിയായി വിവിധ തസ്​തികകളിലേക്ക്​ ഉയരുകയായിരുന്നു.

പരീക്ഷ കൺട്രോളർ, അക്കാദമിക് വിഭാഗം​ വൈസ്​ പ്രിൻസിപ്പൽ, ​ബോയ്​സ്​ ഗേൾസ്​ സ്​കൂളുകളുടെ വൈസ്​ പ്രിൻസിപ്പൽ തുടങ്ങിയ പദവികളിൽ വിവിധ കാലഘട്ടങ്ങളിൽ പ്രവർത്തിച്ചു. നേതൃപാടവവും പ്രവർത്തന പരിചയവും ആത്മാർഥതയും വഹിച്ച പദവികളിലെല്ലാം വിജയം നേടാൻ അവർക്ക്​ മുതൽക്കൂട്ടായി. ദമ്മാം സ്കൂളി​െൻറ 38 വർഷത്തെ ചരിത്രത്തിലെ നിരവധി നേട്ടങ്ങളിൽ മെഹ്​നാസ്​ ഫരീദി​െൻറ ​ൈകയൊപ്പുണ്ട്​. ഈ ആത്മബന്ധം സ്​കൂളിനെ വിവാദങ്ങളില്ലാതെ മുന്നോട്ടു നയിക്കാൻ മെഹ്​നാസിനെ പ്രാപ്​തമാക്കുമെന്നാണ്​ പൊതുവിലുള്ള വിശ്വാസം. ദമ്മാം സ്​കുൾ സമൂഹത്തി​േൻറതാണെന്നും ഉയർച്ചയിൽ​ എത്തിക്കാൻ സമൂഹം കൈകോർക്കേണ്ടതുണ്ടെന്നും അവരെ മാറ്റിനിർത്തി പുകമറ സൃഷ്​ടിക്കുന്ന ഒരു പ്രവൃത്തിയും ത​െൻറ ഭാഗത്തുനിന്ന്​ ഉണ്ടാവില്ലെന്നും​ പ്രിൻസിപ്പൽ മെഹ്​നാസ്​ ഫരീദ്​ 'ഗൾഫ്​ മാധ്യമ'ത്തോട്​ പറഞ്ഞു. നിലവിലെ സാഹചര്യത്തിൽ സി.ബി.എസ്.ഇ 30ശതമാനം പാഠഭാഗങ്ങൾ വെട്ടിച്ചുരുക്കിയെന്ന്​ പറയുന്നുണ്ടെങ്കില​ും ഔദ്യോഗിക അറിയിപ്പുകളൊന്നും കിട്ടിയില്ല എന്നും പ്രിൻസിപ്പൽ പറഞ്ഞു. ഭർത്താവ്​ ഫരീദ്​ ഒപ്പമുണ്ട്​. ഡോക്​ടറായ മകൾ കാനഡയിലും കെമിക്കൽ എൻജിനീയറായ മകൻ ഓസ്​ട്രേലിയയിലുമാണ്​.