യാംബു: ആഗോളതലത്തിൽ മൂന്ന് ഗിന്നസ് റിക്കോർഡുകൾ നേടി ശ്രദ്ധേയമായ 14-ാമത് യാംബു പുഷ്പമേളയിൽ പങ്കാളികളായി ലുലു ഹൈപ്പർമാർക്കറ്റും. ഫെബ്രുവരി 15ന് മേള ആരംഭിച്ചത് മുതൽ പുഷ്പ നഗരിയിലെ ഫുഡ് കോർട്ടിൽ ശ്രദ്ധേയമായ ഒരു സ്റ്റാൾ ഒരുക്കിക്കൊണ്ടാണ് ലുലു സന്ദർശകരെ ആകർഷിക്കുന്നത്. വിവിധ രീതിയിലും രുചിയിലുമുള്ള ഭക്ഷണപാനീയങ്ങളാണ് ഇവിടെനിന്ന് സന്ദർശകർക്ക് ലഭിക്കുന്നത്. സൗദിയിലെ 34ാമത്തേതും ആഗോള തലത്തിൽ 259ാമത്തേതുമായ ലുലു ഹൈപ്പർമാർക്കറ്റിെൻറ ശാഖ കഴിഞ്ഞവർഷം നവംബറിലാണ് യാംബുവിൽ പ്രവർത്തനം ആരംഭിച്ചത്.
വർഷം തോറും നടക്കുന്ന യാംബു പുഷ്പമേളയിൽ ഇതാദ്യമായാണ് ലുലു പങ്കെടുക്കുന്നത്. ‘സൗദി വിഷൻ 2030’ന് പൂർണപിന്തുണ നൽകുന്ന ലുലു ഹൈപ്പർമാർക്കറ്റ്, അഗ്രി-ബിസിനസ് രംഗത്തിെൻറ വളർച്ചക്ക് വലിയ പിന്തുണയാണ് നൽകുന്നത്. തദ്ദേശീയമായ കാർഷിക വിളകളുടെ വിൽപനക്ക് ലുലു ഹൈപ്പർമാർക്കറ്റിലൂടെ കൂടുതൽ അവസരങ്ങൾ ഒരുക്കികൊടുക്കുന്നതിലൂടെ മാതൃകാപരമായ ബിസിനസ് സ്വാഭവമാണ് കാഴ്ച്ചവെക്കുന്നത്. മാർച്ച് ഒമ്പത് വരെ തുടരുന്ന ‘യാംബു ഫ്ലവർ ആൻഡ് ഗാർഡൻ ഫെസ്റ്റിവലി’െൻറ ഭാഗമാകുവാൻ കഴിഞ്ഞതിൽ ലുലു ഹൈപ്പർമാർക്കറ്റ് ഏറെ അഭിമാനം കൊള്ളുന്നുവെന്നും റീട്ടെയിൽ മേഖലയിൽ മുന്നിട്ട് നിൽക്കുന്ന ലുലു സൗദി ഹൈപ്പർമാർക്കറ്റ്, അഗ്രി-ബിസിനസിനെയും തദ്ദേശീയ കാർഷിക മേഖലയെയും പ്രോത്സാഹിപ്പിക്കാൻ എന്നും പ്രതിജ്ഞാബദ്ധമാണെന്നും ലുലു സൗദി ഹൈപ്പർമാർക്കറ്റ് പടിഞ്ഞാറൻ പ്രവിശ്യ റീജനൽ ഡയറക്ടർ റഫീഖ് മുഹമ്മദ് അലി പറഞ്ഞു.
യാംബു പുഷ്പമേളയിൽ ഒരുക്കിയ ലുലു ഹൈപ്പർമാർക്കറ്റ് ഫുഡ് പവലിയൻ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.