ജുബൈൽ ഫുട്ബാൾ ക്ലബും നവോദയ ജുബൈൽ അറൈഫി ഏരിയയും ചേർന്ന് പുതുവര്‍ഷത്തോടനുബന്ധിച്ച് സംഘടിപ്പിക്കുന്ന പരിപാടിയുടെ ലോഗോ പ്രകാശന ചടങ്ങ്
ദമ്മാം: ജുബൈൽ ഫുട്ബാൾ ക്ലബും നവോദയ ജുബൈൽ അറൈഫി ഏരിയയും ചേർന്ന് ഡിസംബർ 24, 30, 31 തീയതികളില്‍ പുതുവര്‍ഷത്തോടനുബന്ധിച്ച് സംഘടിപ്പിക്കുന്ന പരിപാടിയുടെ ലോഗോ പ്രകാശനം ചെയ്തു. ജുബൈലിലെ റോയൽ ഡൈൻ റെസ്റ്റോറൻറിൽ നടന്ന ചടങ്ങില്‍ അർറാസി ക്ലിനിക്സ് ജുബൈൽ മാർക്കറ്റിങ്ങ് മാനേജർ മുസ്തഫ, ഐ.ടി മാനേജർ സീഷാൻ, റോയൽ ഡൈൻ റെസ്റ്റോറൻറ് മാനേജർ അർസലാൻ, എൻ.ആർ ട്രേഡിങ്ങ് മാനേജർ ഇസ്മാഈൽ, അൾട്രാഡ് ഓപറേഷൻ മാനേജർ വി.പി. ഷിജിൽ എന്നിവർ ചേർന്ന് പ്രകാശനം നിർവഹിച്ചു.
ചടങ്ങിൽ ഈവൻറ് ചെയർമാൻ ഫൈസൽ, കൺവീനർ അശ്വിൻ, രക്ഷാധികാരി സർഫാസ് ബാബു, ജുബൈൽ എഫ്‌.സി പ്രസിഡൻറ് മുസ്തഫ, നവോദയ കേന്ദ്ര കുടുംബവേദി സെക്രട്ടറി ഉമേഷ്‌ കളരിക്കൽ, കേന്ദ്ര പ്രസിഡൻറ് ലക്ഷ്മണൻ എന്നിവർ ചടങ്ങിൽ പങ്കെടുത്തു. തുടർന്ന് പ്രധാന പരിപാടികളായ ഫുട്ബാൾ, വടംവലി, പെനാൽറ്റി എന്നീ ടൂർണമെൻറുകളുടെ രജിസ്ട്രേഷൻ പോസ്റ്ററുകൾ വേദിയില്‍ പ്രദർശിപ്പിച്ചു. രഞ്ജിത്ത് സ്വാഗതവും ഫൈസൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.