ദമ്മാം: ദമ്മാം ഡീപോർട്ടേഷൻ സെൻററിലെ വനിതകൾക്ക് ഒ.ഐ.സി.സി വനിതാവേദി മെഡിക്കൽ ക്യാമ്പും റമദാൻ റിലീഫ് കിറ്റ് വിതരണവും നടത്തി. ഇന്ത്യയുടെ വിവിധഭാഗങ്ങളിൽനിന്നും വീട്ടുവേലക്കായി സൗദിയിൽ എത്തിച്ചേർന്നവരാണ് ഇവരിൽ ഭൂരിഭാഗവും. അൽഅബീർ മെഡിക്കൽ സംഘത്തിെൻറ സഹകരണത്തോടുകൂടി സംഘടിപ്പിച്ച ക്യാമ്പിൽ പ്രമേഹം, രക്ത സമ്മർദ്ദം തുടങ്ങിയവ രേഖപ്പെടുത്തിയ ഹെൽത്ത് കാർഡും മരുന്നുകളും വിതരണം ചെയ്തു.
ഡോ.നൂർ സബാഹ്, ഡോ.തസ്കീൻ നസ്ബീർ, ഡോ.ടെസ്സി റോണി തുടങ്ങിയവർ ക്യാമ്പ് നിയന്ത്രിച്ചു.
വസ്ത്രങ്ങളും ഭക്ഷണസാധനങ്ങളുമടങ്ങുന്ന വനിതാവേദിയുടെ റമദാൻ കിറ്റ് വിതരണം ചെയ്തു. ഈ സേവന മനോഭാവത്തെ പ്രശംസിച്ച ഡീപോർേട്ടഷൻ അധികൃതർ ഇത്തരം ക്യാമ്പുകൾ അവിടങ്ങളിലെ അന്തേവാസികളുടെ മാനസിക പിരിമുറുക്കത്തിനും ശാരീരിക അസ്വാസ്ഥ്യങ്ങൾക്കും ചെറിയതരത്തിലുള്ള പരിഹാരമാകുമെന്നും അഭിപ്രായപ്പെട്ടു. ഒ.ഐ.സി.സി വനിതാവേദി അംഗങ്ങളായ ഡോ.ഫൗഷ പി.ഫൈസൽ, ഹുസ്ന ആസിഫ്, സിന്ധു സന്തോഷ്, എസ്.എം താജുദ്ദീൻ തുടങ്ങിയവർ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.