ഗൂ​ഗി​ളീ​സ് സ്പോ​ർ​ട്സ് ക്ല​ബ് ഫു​ട്ബാ​ൾ ടൂ​ർ​ണ​മെന്‍റ്; ഇ​ന്ത്യ​ൻ സ്കൂ​ൾ ടീ​മു​ക​ൾ​ക്ക് ത​ക​ർ​പ്പ​ൻ ജ​യം

ജി​ദ്ദ: വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള ഇ​ന്റ​ർ​നാ​ഷ​ന​ൽ സ്‌​കൂ​ളു​ക​ളെ ഉ​ൾ​പ്പെ​ടു​ത്തി കൊ​ണ്ട് ഗൂ​ഗി​ളീ​സ് സ്പോ​ർ​ട്സ് ക്ല​ബ് ജി​ദ്ദ​യി​ൽ സം​ഘ​ടി​പ്പി​ച്ച സ​ലാ​മ ഗൂ​ഗി​ളീ​സ് ക​പ്പി​ന് വേ​ണ്ടി​യു​ള്ള ഫു​ട്ബാ​ൾ ടൂ​ർ​ണ​മെ​ന്റി​ൽ ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്‌​കൂ​ൾ ടീ​മു​ക​ൾ ത​ക​ർ​പ്പ​ൻ വി​ജ​യം നേ​ടി. ജ​ന​പ​ങ്കാ​ളി​ത്തം കൊ​ണ്ടും സം​ഘ​ട​ന മി​ക​വു​കൊ​ണ്ടും വ​ൻ വി​ജ​യ​മാ​യി​രു​ന്നു ഫു​ട്ബാ​ൾ ടൂ​ർ​ണ​മ​ന്റെ്.

ജി​ദ്ദ​യി​ലെ ബ​വാ​ദി​യി​ലു​ള്ള അ​ൽ മ​ഹ​ർ സ്പോ​ർ​ട്സ് അ​ക്കാ​ദ​മി ഗ്രൗ​ണ്ടി​ൽ ജ​നു​വ​രി 10, 17 തി​യ​തി​ക​ളി​ലാ​യി ന​ട​ന്ന ഫു​ട്ബാ​ൾ ടൂ​ർ​ണ​മെ​ന്റി​ൽ ഇ​ന്ത്യ, പാ​ക്കി​സ്ഥാ​ൻ, ബം​ഗ്ലാ​ദേ​ശ്, ഇ​ന്തോ​നേ​ഷ്യ മു​ത​ലാ​യ രാ​ജ്യ​ങ്ങ​ളി​ൽ നി​ന്നു​ള്ള സ്കൂ​ളു​ക​ൾ പ​ങ്കെ​ടു​ത്തു. 12, 14, 17 വ​യ​സു​ള്ള കു​ട്ടി​ക​ളെ മൂ​ന്ന് വി​ഭാ​ഗ​ങ്ങ​ളാ​യി തി​രി​ച്ചാ​യി​രു​ന്നു മ​ത്സ​രം.

12 വ​യ​സ് വി​ഭാ​ഗ​ത്തി​ൽ ഇ​ന്തോ​നേ​ഷ്യ​ൻ ഇ​ന്റ​ർ​നാ​ഷ​ന​ൽ സ്കൂ​ളി​നെ എ​തി​രി​ല്ലാ​ത്ത ഏ​ഴ് ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി അ​ഹ്‌​ദാ​ബ് ഇ​ന്റ​ർ​നാ​ഷ​ന​ൽ ഇ​ന്ത്യ​ൻ സ്കൂ​ളും 14 വ​യ​സ് വി​ഭാ​ഗ​ത്തി​ൽ നോ​വ​ൽ ഇ​ന്റ​ർ​നാ​ഷ​ന​ൽ സ്കൂ​ളി​നെ ഒ​ന്നി​നെ​തി​രെ ര​ണ്ട് ഗോ​ളു​ക​ൾ​ക്കു പ​രാ​ജ​യ​പ്പെ​ടു​ത്തി ഇ​​ന്റെ​നാ​ഷ​ണ​ൽ ഇ​ന്ത്യ​ൻ സ്കൂ​ൾ ജി​ദ്ദ​യും 17 വ​യ​സ്സ് വി​ഭാ​ഗ​ത്തി​ൽ പാ​ക്കി​സ്ഥാ​ൻ ഇ​ന്റ​ർ​നാ​ഷ​ന​ൽ സ്‌​കൂ​ളി​നെ എ​തി​രി​ല്ലാ​ത്ത നാ​ല് ഗോ​ളു​ക​ൾ​ക്ക് പ​രാ​ജ​യ​പ്പെ​ടു​ത്തി ഇ​​ന്റെ​നാ​ഷ​ന​ൽ ഇ​ന്ത്യ​ൻ സ്കൂ​ൾ ജി​ദ്ദ​യും ജേ​താ​ക്ക​ളാ​യി.

ഇ​ന്ത്യ, പാ​ക്കി​സ്ഥാ​ൻ, ബം​ഗ്ലാ​ദേ​ശ്, ഇ​ന്തോ​നേ​ഷ്യ മു​ത​ലാ​യ രാ​ജ്യ​ങ്ങ​ൾ കൂ​ടാ​തെ ശ്രീ​ല​ങ്ക, ഫി​ലി​പ്പ​യി​ൻ​സ്, കൊ​റി​യ മു​ത​ലാ​യ രാ​ജ്യ​ങ്ങ​ളി​ൽ നി​ന്നു​ള്ള സ്കൂ​ൾ ടീ​മു​ക​ളെ കൂ​ടി ഉ​ൾ​പ്പെ​ടു​ത്തി വി​പു​ല​മാ​യ രീ​തി​യി​ൽ ഗൂ​ഗി​ളീ​സ് സ്പോ​ർ​ട്സ് ക്ല​ബ് ഫു​ട്ബാ​ൾ ടൂ​ർ​ണ​മ​ന്റെ്​ സീ​സ​ൺ ര​ണ്ട് സം​ഘ​ടി​പ്പി​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.