ത്വാ​ഇ​ഫി​ൽ ‘പ​ഴക്കാലം’

ത്വാ​ഇ​ഫ്: തോ​ട്ട​ങ്ങ​ളി​ൽ വൈ​വി​ധ്യ​മാ​ർ​ന്ന പ​ഴ​ങ്ങ​ളു​ടെ വി​ള​വെ​ടു​പ്പ് സീ​സ​ണാ​ണ് ഇ​പ്പോ​ൾ. ന​ഗ​രി​യി​ലെ വി​വി​ധ പ​ച്ച​ക്ക​റി​ക​ളു​ടെ​യും പ​ഴ​ങ്ങ​ളു​ടെ​യും വി​പ​ണി​ക​ളി​ൽ ന​ല്ല തി​ര​ക്ക് തു​ട​ങ്ങി. പ്രാ​ദേ​ശി​ക ഉ​ൽ​പ്പ​ന്ന​ങ്ങ​ളു​ടെ അ​പൂ​ർ​വ​ശേ​ഖ​ര​ങ്ങ​ളാ​ണ്‌ വി​പ​ണി​യി​ൽ. വേ​റി​ട്ട പ​ഴ​ങ്ങ​ളു​ടെ​യും പ​ച്ച​ക്ക​റി​ക​ളു​ടെ​യും അ​പൂ​ർ​വ കാ​ഴ്ച്ച കാ​ണാ​നും വി​ൽ​പ​ന​ക്കും എ​ത്തു​ന്ന​വ​രു​ടെ സാ​ന്നി​ധ്യ​വും വ​ർ​ധി​ച്ചു.

പ്രാ​ദേ​ശി​ക ഉ​ത്പ​ന്ന​ങ്ങ​ളു​ടെ സു​ര​ക്ഷ ഉ​റ​പ്പാ​ക്കാ​നും പ​ഴ​ങ്ങ​ളു​ടെ​യും പ​ച്ച​ക്ക​റി​ക​ളു​ടെ​യും ഗു​ണ​നി​ല​വാ​രം പ​രി​ശോ​ധി​ക്കാ​നും വി​വി​ധ ഭാ​ഗ​ങ്ങ​ളി​ൽ പ​രി​ശോ​ധ​ന​യു​മാ​യി അ​ധി​കൃ​ത​രും രം​ഗ​ത്തു​ണ്ട്. ത്വാ​ഇ​ഫ് ഗ​വ​ർ​ണ​റേ​റ്റി​ലെ പ​രി​സ്ഥി​തി, ജ​ല, കൃ​ഷി മ​ന്ത്രാ​ല​യ​ത്തി​ന്റെ ഓ​ഫീ​സ് കേ​ന്ദ്ര​മാ​ക്കി ന​ഗ​ര​ത്തി​ലെ വി​വി​ധ പ​ച്ച​ക്ക​റി, പ​ഴ​ക്ക​ട​ക​ളി​ൽ പ​രി​ശോ​ധ​നാ​പ​ര്യ​ട​നം ശ​ക്ത​മാ​ക്കി.

സൗ​ദി​യി​ലെ പ്ര​ധാ​ന​പ്പെ​ട്ട കാ​ർ​ഷി​ക ഉ​ല്പാ​ദ​ന സീ​സ​ണു​ക​ളി​ലൊ​ന്നാ​ണ് ത്വാ​ഇ​ഫ് പ​ഴ സീ​സ​ൺ. ഗ​വ​ർ​ണ​റേ​റ്റി​ൽ വ​ലി​യ കാ​ർ​ഷി​ക വ​ള​ർ​ച്ച​യാ​ണ് ഇ​പ്പോ​ൾ. പ്രാ​ദേ​ശി​ക ഉ​ൽ​പ്പ​ന്ന​ങ്ങ​ളു​ടെ ഗു​ണ​നി​ല​വാ​ര​വും ഉ​പ​ഭോ​ക്തൃ ആ​ത്മ​വി​ശ്വാ​സം വ​ർ​ധി​പ്പി​ക്കു​ക​യും ചെ​യ്യു​ന്ന സം​ഘ​ടി​ത​വും സു​ര​ക്ഷി​ത​വു​മാ​യ വി​ൽ​പ്പ​ന അ​ന്ത​രീ​ക്ഷം സൃ​ഷ്​​ടി​ക്കാ​ൻ പ്ര​ത്യേ​ക കാ​മ്പ​യി​ൻ ന​ട​പ്പാ​ക്കി​യി​ട്ടു​ണ്ട്.

കാ​ർ​ഷി​ക ഉ​ൽ​പ്പ​ന്ന​ങ്ങ​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും ഗു​ണ​നി​ല​വാ​ര മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന​തി​നു​മാ​യി വി​വി​ധ പ​ദ്ധ​തി​ക​ൾ ന​ട​പ്പാ​ക്കി​യ​ത് വി​ജ​യം കൈ​വ​രി​ച്ചു.

കാ​ർ​ഷി​ക മേ​ഖ​ല​യി​ൽ പാ​ലി​ക്കേ​ണ്ടു​ന്ന നി​യ​മം ലം​ഘി​ച്ചാ​ൽ ശ​ക്ത​മാ​യ ന​ട​പ​ടി​യും പി​ഴ​യും ന​ട​പ്പാ​ക്കാ​നും മ​ന്ത്രാ​ല​യം ജാ​ഗ്ര​ത പാ​ലി​ക്കു​ന്നു​ണ്ട്.

കാ​ർ​ഷി​ക മേ​ഖ​ല​യി​ൽ മി​ക​ച്ച അ​ന്ത​രീ​ക്ഷം ഉ​ണ്ടാ​ക്കാ​നും ഗു​ണ​നി​ല​വാ​ര​മു​ള്ള പ​ഴ​ങ്ങ​ളും പ​ച്ച​ക്ക​റി​ക​ളും ല​ഭ്യ​മാ​ക്കാ​നും മ​ന്ത്രാ​ല​യം എ​ല്ലാ​വി​ധ ഒ​രു​ക്ക​വും പൂ​ർ​ത്തി​യാ​ക്കി​യെ​ന്ന് പ​രി​സ്ഥി​തി മ​ന്ത്രാ​ല​യ ഓ​ഫീ​സ് ഡ​യ​റ​ക്ട​ർ എ​ൻ​ജി. ഹാ​നി ബി​ൻ അ​ബ്​​ദു​റ​ഹ്​​മാ​ൻ അ​ൽ ഖാ​ദി പ​റ​ഞ്ഞു.