ദോഹ: കോവിഡ് രോഗം സ്ഥിരീകരിച്ച് ചികിത്സയിലായിരുന്ന രണ്ടുപേർകൂടി ഖത്തറിൽ മരിച്ചു. 58ഉം 60ഉം വയസ് പ്രായമുള്ളവരാണ് മരിച്ചതെന്നും ഇവർക്ക് മറ്റ് ദീർഘകാല രോഗമുണ്ടായിരുന്നുവെന്നും പൊതുജനാരോഗ്യമന്ത്രാലയം അറിയിച്ചു. ഇതോടെ രാജ്യത്തെ ആകെ മരണം 28 ആയി. ചൊവ്വാഴ്ച 1742 പേർക്കുകൂടി രോഗം സ്ഥിരീകരിച്ചു. 1481 പേർ രോഗമുക്തരുമായി.
ആകെ രോഗം ഭേദമായവർ 11,844 ആയി. നിലവിൽ ചികിത്സയിലുള്ളവർ 35,335 ആണ്. 1859 പേരാണ് ആശുപത്രികളിൽ ചികിത്സയിലുള്ളത്. 205 പേർ തീവ്രപരിചരണവിഭാഗത്തിലാണ്. ബാക്കിയുള്ളവർ വിവിധ സമ്പർക്കവിലക്ക് കേന്ദ്രങ്ങളിലാണ്. ആകെ 1,96,411 പേർക്ക് പരിശോധന നടത്തിയപ്പോൾ 47207 പേരിലാണ് വൈറസ്ബാധ സ്ഥിരീകരിച്ചത്. മരിച്ചവരും രോഗം ഭേദമായവരും ഉൾപ്പെടെയാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.