ഹമദ് തുറമുഖത്ത് പിടികൂടിയ പുകയില
ദോഹ: കടൽ മാർഗം ഖത്തറിലേക്ക് കടത്താൻ ശ്രമിച്ച വൻ പുകയിലശേഖരം കസ്റ്റംസ് വിഭാഗം പിടികൂടി. മൂന്ന് കണ്ടെയ്നറുകളിലായി കടത്തിയ അഞ്ചര ടണ്ണിലേറെ വരുന്ന പുകയിലയാണ് ഹമദ് തുറമുഖത്ത് അധികൃതർ പിടികൂടിയത്. ഇൻറലിജന്സ് വകുപ്പുമായി സഹകരിച്ച് നടത്തിയ പരിശോധനയിലാണ് നിരോധിത വസ്തുക്കള് പിടികൂടിയത്. വാണിജ്യ കപ്പലിൽ രഹസ്യമായി ഒളിപ്പിച്ച കണ്ടെയ്നറുകൾകുള്ളിൽനിന്നും പുകയില പിടികൂടുന്നതിെൻറ ദൃശ്യങ്ങൾ കസ്റ്റംസ് വിഭാഗം സമൂഹമാധ്യമങ്ങളിൽ പങ്കുവെച്ചു. ട്രെയിലറുകളില് പ്രത്യേക ഉപകരണങ്ങള് ഉപയോഗിച്ചു നടത്തിയ പരിശോധനയിലാണ് വസ്തുക്കള് പിടിച്ചെടുത്തത്.
കുറ്റകൃത്യങ്ങളും കസ്റ്റംസ് ലംഘനങ്ങളും തടയാന് ലക്ഷ്യമിട്ട് നടത്തുന്ന ദേശീയ കാമ്പയിനായ കാഫിഫിെൻറ ഭാഗമായാണ് പരിശോധന നടത്തിയത്. നിരോധിത വസ്തുക്കളുടെ കള്ളക്കടത്ത് ഉൾപ്പെടെ അനധികൃത ഇടപെടലുകൾ കസ്റ്റംസിെൻറ ഔദ്യോഗിക ഇ-മെയില് വഴിയോ 16500 എന്ന നമ്പറിലൂടെയോ അറിയിക്കണമെന്ന് അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.